Devil: వరుస ఫ్లాపుల్లో ఉన్న కళ్యాణ్ రామ్.. బింబిసార మూవీతో భారీ విజయాన్ని అందుకున్నాడు.. కానీ ఆ మధ్య వచ్చిన అమిగోస్‌ మూవీతోతో ఆకట్టుకోలేకపోయాడు. అందుకే.. ఇప్పుడు డెవిల్ సినిమాతో హిట్ కొట్టాలని చూస్తున్నాడు. పీరియాడిక్ డ్రామాగా భారీ స్థాయిలో ఈ సినిమా తెరకెక్కుతోంది. ‘ది బ్రిటిష్ సీక్రెట్ ఏజెంట్’ ట్యాగ్ లైన్‌తో తెరకెక్కుతున్న ఈ సినిమాలో కళ్యాణ్ రామ్ సరికొత్త గెటప్‌లో కనిపించబోతున్నాడు. అయితే.. అభిషేక్ పిక్చర్స్ బ్యానర్‌పై అభిషేక్ నామా నిర్మిస్తున్నఈ చిత్రానికి.. నవీన్ మేడారం ద‌ర్శక‌త్వం వహించాడు. కానీ ఏమైందో ఏమోగానీ.. సినిమా మొత్తం అయిపోయాక ఆ మధ్య డైరెక్టర్ పేరు మారిపోయింది.
ఇది కూడా చూడండి: Allu Arjun.. మాస్ ప్రాజెక్ట్ ఫిక్స్ అయినట్టే?
నవీన్ మేడారంకు బదులుగా తన పేరును వేసుకున్నాడు నిర్మాత. దీంతో అసలేం జరిగిందో ఎవ్వరికీ అర్థం కాలేదు. ఈ నేపథ్యంలో డిసెంబర్ 29న డెవిల్ రిలీజ్‌కు రెడీ అవుతున్న సందర్భంగా.. నవీన్ మేడారం ఓపెన్ లెట్ రిలీజ్ చేయడం హాట్ టాపిక్‌గా మారింది. ‘డెవిల్’ సినిమాకు ప్రాణం పోసేందుకు మూడేళ్లు పని చేశా.. స్క్రిప్ట్‌, స్క్రీన్‌ప్లే మొదలుకొని కాస్ట్యూమ్స్ నుండి ఫ్యాబ్రిక్స్ వరకు చాలా జాగ్రత్తగా ఎంచుకున్నాను. వైజాగ్‌, హైదరాబాద్‌ వంటి లొకేషన్లలో 105 రోజుల పాటు సినిమాని షూట్ చేశాను. నాకు ఇది కేవలం ఒక ప్రాజెక్ట్ కాదు, నా బిడ్డ లాంటిది. ఎవరు ఏం చెప్పినా.. ఇది నవీన్ మేడారం సినిమా అని ఆయన రాసుకొచ్చాడు. కానీ నా మౌనాన్ని కొంతమంది తప్పుగా అర్థం చేసుకుంటున్నారని, ఈ సినిమా నిర్మాణంలో నేను ఎలాంటి తప్పు చేయలేదని అన్నారు.
ఇది కూడా చూడండి: Hanuman: ‘హనుమాన్’ కోసం ‘కోటి’గా రవితేజ!
నా సొంత సినిమాలో డైరెక్టర్‌గా క్రెడిట్ ఇవ్వకపోవడంతో తీవ్ర నిరుత్సాహానికి లోనయ్యాను. కానీ కళ్యాణ్‌రామ్ సార్ వంద శాతం ఎఫర్ట్ ఈ సినిమా కోసం పెట్టారు. ఈ ప్రయత్నంలో నాకు మద్దతు ఇచ్చిన కళ్యాణ్‌రామ్ సార్‌కి, ప్రతి ఒక్కరికి నా హృదయపూర్వక కృతజ్ఞతలు. ఖచ్చితంగా ‘డెవిల్’ బ్లాక్ బస్టర్ అవుతుందనే నమ్మకం ఉంది.. ప్రస్తుతం నేను ఒక కొత్త సినిమాకి సైన్ చేశాను.. స్క్రిప్ట్‌ వర్క్ చేస్తున్నాను, త్వరలో వివరాలను ప్రకటిస్తాను.. అంటూ లెటర్‌లో రాసుకొచ్చాడు. దీంతో ఈ లెటర్ ఇప్పుడు హాట్ టాపిక్‌గా మారింది. మరి దీనిపై అభిషేక్ నామా ఎలా స్పందిస్తారో చూడాలి.
ఇది కూడా చూడండి: OG.. న్యూ ఇయర్ గిఫ్ట్ రెడీ?
