ఐసీసీ వరల్డ్ టెస్ట్ ఛాంపియన్‌షిప్ ఫైనల్‌లో ఆస్ట్రేలియాతో తలపడే టీమ్ ఇండియా జట్టును భారత క్రికెట్ కంట్రోల్ బోర్డు (BCCI) మంగళవారం ప్రకటించింది. ఈ టెస్టు జట్టుకు అజింక్యా రహానె.. 15 మంది సభ్యులతో కూడిన జట్టులో చోటు దక్కించుకున్నాడు.
ప్రస్తుతం రహానే ఇండియన్ ప్రీమియర్ లీగ్ (ఐపీఎల్)లో చెన్నై సూపర్ కింగ్స్ (CSK) తరపున ఆడుతున్నాడు. అంతేకాదు అద్భుతమైన ఫామ్‌లో కూడా ఉన్నాడు. మరోవైపు గాయం కారణంగా శ్రేయర్ అయ్యర్ ఈ టెస్టుకు దూరమయ్యాడు. WTC ఫైనల్ జూన్ 7 నుంచి 11 వరకు లండన్‌లోని ఓవల్‌లో జరగనుంది.
ఆల్ రౌండర్ శార్దూల్ ఠాకూర్ కూడా 15 మంది సభ్యుల జట్టులో ఎంపికయ్యాడు. లెఫ్టార్మ్ పేసర్ జయదేవ్ ఉనద్కత్ 5 మంది పేస్ అటాక్‌లో తన స్థానాన్ని నిలుపుకున్నాడు. ఇందులో మహ్మద్ షమీ, మహ్మద్ సిరాజ్, ఉమేష్ యాదవ్ కూడా ఉన్నారు.
ఇది కూడా చూడండి: Virat Kohliకి భారీ జరిమానా.. ఇంకోసారి చేస్తే ఇక అంతే..
రోహిత్ శర్మ (కెప్టెన్), శుభ్‌మన్ గిల్, ఛెతేశ్వర్ పుజారా, విరాట్ కోహ్లీ, అజింక్యా రహానే, కెఎల్ రాహుల్, కెఎస్ భరత్ (వికె), రవిచంద్రన్ అశ్విన్, రవీంద్ర జడేజా, అక్షర్ పటేల్, శార్దూల్ ఠాకూర్, మహ్మద్ షమీ, మొహమ్మద్ సిరాజ్, ఉమేష్ యాదవ్, జయదేవ్ ఉనద్కత్.
కెప్టెన్ రోహిత్ శర్మతో కలిసి శుభ్‌మన్ గిల్ ఇన్నింగ్స్‌ను ప్రారంభించాలని భావిస్తుండగా, కేఎల్ రాహుల్ కూడా జట్టులో ఉన్నాడు. బోర్డర్-గవాస్కర్ ట్రోఫీలో భాగమైన వికెట్ కీపర్-బ్యాటర్ ఇషాన్ కిషన్ తొలగించబడ్డాడు.
🚨 NEWS 🚨#TeamIndia squad for ICC World Test Championship 2023 Final announced.
Details 🔽 #WTC23 https://t.co/sz7F5ByfiU pic.twitter.com/KIcH530rOL
— BCCI (@BCCI) April 25, 2023
ఇది కూడా చూడండి: SRH: మారని ఫేట్… సొంత గడ్డపై సన్ రైజర్స్ కి తప్పని ఓటమి..!
