అండర్-19 ఆసియా కప్ దుబాయ్‌లో జరుగుతున్న సంగతి తెలిసిందే. ఈ టోర్నీలో ఫేవరెట్‌గా బరిలోకి దిగిన టీమిండియా నేడు పాక్ చేతిలో ఘోరంగా ఓటమి చెందింది. పాకిస్తాన్ జట్టు 8 వికెట్ల తేడాతో భారత్‌పై ఘన విజయం సాధించింది. ఈ మ్యాచ్‌లో మొదట టాస్ ఓడిన అండర్ 19 భారత జట్టు నిర్ణీత 50 ఓవర్లలో 9 వికెట్ల నష్టానికి 259 పరుగులు చేసింది. ఆ తర్వాత బరిలోకి దిగిన పాకిస్తాన్ జట్టు 47వ ఓవర్లోనే 2 వికెట్ల నష్టానికి 260 పరుగులు చేసి విజయం సాధించింది.
Moment 😭❤️
The way these youngsters chase this total shows that our future in cricket is bright #PAKvINDpic.twitter.com/5KjE1CB8Ea— Hassan Abbasian (@HassanAbbasian) December 10, 2023
పాక్ వన్ డౌన్ బ్యాటర్ అయిన అజాన్ అవాయిస్ అజేయ సెంచరీతో ఆ జట్టు విజయంలో కీలక పాత్ర పోషించాడు. అజాన్ 130 బంతుల్లో 10 ఫోర్లతో 105 పరుగులు చేసి స్కోరు బోర్డును ముందుకు కదిలించాడు. పాక్ కెప్టెన్ సాద్ బేగ్ కూడా 51 బంతుల్లో 8 ఫోర్లు, 1 సిక్స్‌తో 68 పరుగులు చేయగలిగాడు. పాక్ ఓపెనర్ బ్యాటర్ షహజైబ్ ఖాన్ 88 బంతుల్లో 4 ఫోర్లు, 3 సిక్సులతో 63 రన్స్ చేశాడు. ఇకపోతే భారత బౌలర్లలో హైదరాబాద్ కు చెందిన మురుగన్ అభిషేక్ ఒక్కడే 2 వికెట్లు తీశాడు.
https://twitter.com/i/status/1733753817722712560
