భారత్‌తో జరిగిన రెండో వన్డేలోనూ ఆస్ట్రేలియా మహిళల జట్టు విజయం సాధించింది తొలి మ్యాచ్ లో భారత మహిళలు ఓటిమి చెందిన సంగతి తెలిసిందే. ఈ క్రమంలో మరో మ్యాచ్ మిగిలి ఉండగానే మూడు వన్డేల సిరీస్ ను ఆస్ట్రేలియా మహిళల టీమ్ గెలుచుకుంది. ముంబై వేదికగా జరిగిన ఈ రెండో వన్డే మ్యాచులో 3 పరుగుల తేడాతో ఆసీస్ మహిళల టీమ్ విజయం సాధించింది.
చదవండి: Rohit sharma: బ్యాటింగ్ ఎలా చేయాలో మాకు తెలుసు..వారిపై ఫైర్ అయిన రోహిత్ శర్మ!
259 పరుగుల విజ‌య ల‌క్ష్యంతో బ‌రిలోకి దిగిన భారత్ నిర్ణీత 50 ఓవ‌ర్ల‌లో ఎనిమిది వికెట్లు కోల్పోయి 255 పరుగులు మాత్రమే చేయగలిగింది. భారత బ్యాట‌ర్ల‌లో రిచా ఘోష్ 96, జెమిమా రోడ్రిగ్స్ 44, స్మృతి మంధాన 34 పరుగులు చేశారు. ఇకపోతే ఆస్ట్రేలియా బౌల‌ర్ల‌లో అన్నాబెల్ సదర్లాండ్ 3 వికెట్లు పడగొట్టింది.
ఇది కూడా చూడండి: Narendra Modi: అయోధ్య రైల్వే స్టేషన్‌ను ప్రారంభించిన ప్రధాని!
అంత‌క‌ముందు బ్యాటింగ్ చేసిన ఆస్ట్రేలియా మహిళల జట్టు నిర్ణీత 50 ఓవ‌ర్ల‌లో 8 వికెట్లు కోల్పోయి 258 పరుగులు చేయగలిగింది. భారత స్పిన్న‌ర్ దీప్తి శర్మ 5 వికెట్లు తీయగా పూజా వ‌స్త్రాక‌ర్‌, శ్రేయంక పాటిల్‌, స్నేహ్ రాణాలు తలొక వికెట్ తీశారు.
