Mumbai Rains: దేశ ఆర్థిక రాజధాని ముంబైలో తొలి రోజే వర్షం బీభత్సం సృష్టించింది. శనివారం కురిసిన కుండపోత వర్షానికి గోవండి ప్రాంతంలో డ్రెయిన్‌లో కొట్టుకుపోయి ఇద్దరు మృతి చెందారు. అంధేరిలో రోడ్డుపై ప్రవాహానికి ఒక మహిళ తన బ్యాలెన్స్ కోల్పోయింది. స్థానిక ప్రజలు ఆమెను రక్షించారు. తన ప్రాణాలను పణంగా పెట్టి, శాంతాక్రజ్ సమీపంలోని జుహు బీచ్‌లో మునిగిపోతున్న ఇద్దరు పిల్లలను ఓ పోలీసు రక్షించాడు. ముంబైలోని అంధేరీ, కుర్లా, ఘట్కోపర్, సియోన్, శాంతాక్రూజ్, పరేల్, దాదర్ తదితర ప్రాంతాలు జలమయమయ్యాయి. రానున్న 24 గంటల పాటు వాతావరణ శాఖ ఆరెంజ్ అలర్ట్ ప్రకటించింది. ముంబైలోని గోవండి ప్రాంతంలోని బస్ డిపో సమీపంలోని శివాజీ నగర్‌లో ఇద్దరు వ్యక్తులు మ్యాన్‌హోల్‌లో పడి గట్టర్‌లో గల్లంతయ్యారు. ఇద్దరూ కాలువలు శుభ్రం చేయడానికి వెళ్లారు. వీరందరినీ ప్రైవేట్ కాంట్రాక్టర్ పంపారు. ఇద్దరు కూలీల పేర్లు రామకృష్ణ (25), సుధీర్ దాస్ (30). స్థానిక రాజావాడి ఆసుపత్రిలో చేర్పించారు.
मुख्यमंत्री महोदय आम्ही आपणांस यापूर्वीच सांगितलं होतं की, मुंबईत नालेसफाईच्या आणि मान्सूनपूर्व कामांत मोठ्या प्रमाणावर भ्रष्टाचार आणि हलगर्जीपणा करण्यात आला आहे. परंतु त्याकडे लक्ष दिलं गेलं नाही.
पावसाची पहिली सर आणि मुंबई पहिल्याच पावसात तुंबली आहे. यामुळे सत्ताधाऱ्यांनी… pic.twitter.com/CXaJS3Ndmc
— Prof. Varsha Eknath Gaikwad (@VarshaEGaikwad) June 24, 2023
చదవండి:Tholi prema Re Release: ‘తొలిప్రేమ’ రీ రిలీజ్ ఈవెంట్.. ఫోటో గ్యాలరీ
జుహు బీచ్‌లో మునిగిపోతున్న ఇద్దరు చిన్నారుల ప్రాణాలను కాపాడేందుకు పోలీసులు తమ ప్రాణాలను పణంగా పెట్టారు. శాంతాక్రజ్ పోలీస్ స్టేషన్‌కు చెందిన పోలీసు విష్ణు భౌరావ్ బేలే తన ప్రాణాలను పణంగా పెట్టి ఇద్దరు పిల్లలను రక్షించాడు. ఈ ఇద్దరు పిల్లల పేర్లు భీమ్ కాలే (7), సమీర్ పవార్ (10). ఈ చిన్నారులిద్దరూ కోలివాడ ల్యాండింగ్ పాయింట్ నుంచి సముద్రంలోకి దిగారు. కానీ అలలు చాలా ఎత్తుకు ఎగసిపడటంతో నీటిలో మునిగిపోవడం ప్రారంభించారు. నీటిలో మునిగిపోతున్న చిన్నారులను చూసిన కానిస్టేబుల్ విష్ణు ప్రాణాలను సైతం లెక్కచేయకుండా నీటిలోకి దిగి కొద్దిసేపు పోరాడి పిల్లలిద్దరినీ రక్షించగలిగాడు. పిల్లలిద్దరినీ తల్లిదండ్రులకు అప్పగించారు.
Maharashtra | Santacruz Police station constable Vishnu Bhaurao Bele safely rescued two drowning children aged 7&10 from the sea at Juhu’s Koliwada,Juhu Beach. Children handed over to their parents: Mumbai Police
— ANI (@ANI) June 24, 2023
ముంబైలో శనివారం ఉదయం నుంచి ఎడతెరిపి లేకుండా వర్షం కురుస్తోంది. దీంతో పలు ప్రాంతాల్లో రోడ్లపై నీరు నిలిచే పరిస్థితి నెలకొంది. ట్రాఫిక్ వేగంపై కూడా దీని ప్రభావం కనిపించింది.చెంబూర్, విఖ్రోలి, సియోన్, ఘట్కోపర్, మాతుంగా, దహిసర్ వంటి ప్రాంతాల్లో అత్యధికంగా వర్షం కురిసింది. అంధేరి, దహిసర్ సబ్‌వేలు పగటిపూట చాలాసార్లు ట్రాఫిక్ కోసం మూసివేయవలసి వచ్చింది. అంధేరిలో నీటి ప్రవాహంలో కొట్టుకుపోతుండగా ఓ మహిళ ప్రాణాలతో బయటపడింది. అలాగే కొంకణ్, విదర్భ, పశ్చిమ మహారాష్ట్ర, షోలాపూర్, జల్గావ్, కొల్హాపూర్, అహ్మద్ నగర్, వాషిమ్, పూణేలలో కూడా భారీ వర్షాలు కురుస్తున్నాయి. మొత్తం మహారాష్ట్రలో రానున్న 48 గంటల్లో రుతుపవనాలు చురుగ్గా ఉంటాయని అంచనా. మరో 5 రోజుల పాటు మహారాష్ట్రలోని వివిధ ప్రాంతాల్లో వర్షాలు కురుస్తాయని వాతావరణ శాఖ అంచనా వేసింది.
చదవండి:Varahi Yatra : నా కోసం సుపారీ గ్యాంగులు తిరుగుతున్నాయ్ : పవన్
