ఫెంగల్ తుఫాన్తో తమిళనాడులో భారీ వర్షాలు కురుస్తున్నాయి. చెన్నై సహా ఏడు జిల్లాలకు వాతావరణ శాఖ అధికారులు రెడ్ అలర్ట్ జారీ చేశారు. ఫెంగల్ తుఫాన్ మధ్యాహ్నం తీరం దాటనుంది. మహాబలిపురం- కారైకల్ మధ్య తీరం దాటే అవకాశం ఉంది. తీరం దాటే సమయంలో 90 కిలోమీటర్ల వేగంతో బలమైన గాలులు వీచే అవకాశం కనిపిస్తుంది. చెన్నై సహా పలు జిల్లాల్లో విద్యాసంస్థలకు సెలవులు ప్రకటించారు. అన్ని పోర్టుల్లోనూ ప్రమాద హెచ్చరికలు కొనసాగుతున్నాయి.
