ఐసీసీ మొదటిసారిగా మహిళల విభాగంలో అండర్-19 ప్రపంచ కప్‌ను నిర్వహించింది. నేడు ఫైనల్ మ్యాచ్‌లో భారత్ వర్సెస్ ఇంగ్లాండ్ మధ్య జరగనుంది.షెఫాలీ వర్మ కెప్టెన్సీలో టీమిండియా చరిత్ర సృష్టించేందుకు కేవలం అడుగు దూరంలో నిలిచింది. తొలిసారిగా నిర్వహిస్తోన్న ఐసీసీ మహిళల అండర్-19 ప్రపంచకప్‌లో భారత మహిళల జట్టు న్యూజిలాండ్‌ను ఓడించి ఫైనల్‌కు చేరుకుంది. ఈ టైటిల్‌ మ్యాచ్‌ కోసం ఆదివారం ఇంగ్లండ్‌తో టీమిండియా తలపడనుంది. ఈ మ్యాచ్‌లో షెఫాలీ సేన విజయం సాధించేందుకు అన్ని ప్రయత్నాలూ చేస్తుంది. ఇప్పటి వరకు ఏ భారత మహిళల జట్టు కూడా ప్రపంచకప్ గెలవలేదు. షెఫాలీ కెప్టెన్సీలో జట్టు ఈ పని చేయడంలో విజయవంతమైతే, మహిళల విభాగంలో ఇది దేశానికి మొదటి ప్రపంచకప్ అవుతుంది.
