వజ్రాల (Diamonds) కోసం జనాలు గుమిగూడి రోడ్డుపై వెతికిన ఘటన గుజరాత్ (Gujarat)లోని సూరత్‌ (Surat)లో కలకలం రేపింది. వజ్రాల వ్యాపారానికి సూరత్‌ కేంద్రంగా ఉంది. తాజాగా ఆ నగరంలోని వరచ్చా ప్రాంతంలో ప్రజలు ఎగబడి మరీ వజ్రాల కోసం వెతికారు. రోడ్డుపై వజ్రాలు పడ్డాయనే పుకార్లు రావడంతో చాలా మంది ఆ వజ్రాల కోసం వెతకడం మొదలుపెట్టారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. సెప్టెంబర్ 24న ఈ ఘటన డైమండ్ మార్కెట్లో (Diamond Market) సంచలనం సృష్టించింది.
వైరల్ అవుతోన్న వీడియో:
https://twitter.com/i/status/1705842408704110611
కోట్ల విలువైన వజ్రాల ప్యాకెట్‌ (Diamonds Packet)ను ఓ వ్యాపారి అనుకోకుండా రోడ్డుపై పడేసినట్లుగా వార్తలు సృష్టించారు. ఆ పుకార్లను నమ్మిన ప్రజలు విలువైన రత్నాల కోసం వెతకడం మొదలుపెట్టారు. మార్కెట్ రోడ్డులో స్థానికులు వజ్రాల కోసం వెతుకుతున్న వీడియోలు నెట్టింట వైరల్ (Video Viral) అయ్యాయి.
చదవండి: ISKCON గోవుల్ని అమ్ముకుంటుంది..దేశంలో అతి పెద్ద మోసం : మేనకా గాంధీ
అయితే ఈ ఘటనలో కొందరికి కొన్ని వజ్రాలు దొరికాయి. వాస్తవానికి అవి గిల్ట్ ఆభరణాలు, చీరల తయారీలో ఉపయోగించే అమెరికన్ వజ్రాలని తెలియడంతో అప్పటి వరకూ వెతికినవారంతా నిరాశ చెందారు. ఈ వీడియోకు నెటిజన్లు తమదైన శైలిలో కామెంట్స్ చేశారు. ఆశకు హద్దూ పద్దూ లేదని ఒకరు కామెంట్ చేస్తే మరొకరు వజ్రాలు దొరికాయా రాజా అంటూ రాసుకొచ్చారు. ప్రస్తుతం వీడియో నెట్టింట వైరల్ అవుతోంది.
