Massive fire in Mumbai seven floor building seven dead 40 injured
దేశ ఆర్థిక రాజధాని ముంబై(Mumbai) గోరేగావ్‌లోని ఓ ఏడంస్తుల భవనంలో శుక్రవారం తెల్లవారుజామున భారీ అగ్నిప్రమాదం(massive fire accident) సంభవించింది. ఈ ఘటనలో ఏడుగురు మరణించగా, మరో 40 మంది గాయపడ్డారు. ఈ ప్రమాదం దాదాపు తెల్లవారుజామున 3 గంటలకు జరిగింది. ఈ నేపథ్యంలో పెద్ద ఎత్తున మంటలు చెలరేగాయి. ఆ క్రమంలో పలు ద్విచక్ర వాహనాలు, కార్లు కూడా దగ్ధమయ్యాయి.
విషయం తెలుసుకున్న అగ్నిమాపక సిబ్బంది ఘటనా స్థలానికి చేరుకుని మంటలను ఆర్పే చర్యలు ప్రారంభించారు. దీంతోపాటు గాయపడిన వారిని చికిత్స నిమిత్తం ఆస్పత్రికి తరలించారు. అయితే పార్కింగ్ ఏరియాలో ఉన్న ఓ గుడ్డకు ఆకస్మాత్తుగా మంటలు అంటుకోవడంతో అగ్నిప్రమాదం జరిగిందని స్థానికులు చెబుతున్నారు. ఇదిలా ఉండగా అగ్నిప్రమాదానికి ఖచ్చితమైన కారణాన్ని తెలుసుకోవడానికి అధికారులు దర్యాప్తు చేస్తున్నారు. ఈ ఘటనపై మహారాష్ట్ర ఉప ముఖ్యమంత్రి దేవేంద్ర ఫడ్నవీస్ విచారం వ్యక్తం చేశారు. తాను BMC, ముంబై పోలీసులతో ఘటన గురించి ఆరా తీసినట్లు చెప్పారు. అంతేకాదు క్షతగాత్రుల కుటుంబాలకు సాయం చేస్తామని చెప్పారు.
ఇది కూడా చూడండి: Viral: ఏడడుగులు వేయకుంటే హిందూ వివాహం చెల్లదు..కోర్టు షాకింగ్ తీర్పు
