కర్ణాటక (Karnataka) మాజీ ముఖ్యమంత్రి, బీజేపీ కీలక నేత యడి యూరప్పకు (Yeddyurappa)పెను ప్రమాదం తప్పింది. ఆయన ప్రయాణిస్తున్న హెలికాప్టర్ లో సాంకేతిక సమస్యలు తలెత్తింది. దీంతో వెంటనే అప్రమత్తమైన పైలట్ (pilot) హెలికాప్టర్ ను గాల్లోకి లేపి తర్వాత సురక్షితంగా ల్యాండ్ చేశారు. దీంతో అంతా ఊపిరి పీల్చుకున్నారు. భారీ ప్రమాదం తప్పింది. త్వరలో అసెంబ్లీ ఎన్నికలు జరుగనున్న నేపథ్యంలో విజయ్ సంకల్ప్ (Vijay Sankalp) యాత్రలో పాల్గొనేందుకు యడియూరప్ప వెళ్తుండగా ఈ ఘటన జరిగింది.హెలికాప్టర్ (Helicopter) దిగాల్సిన హెలిపాడ్ గ్రౌండ్‌లో ప్లాస్టిక్, ఇతర వ్యర్ధ పదార్ధాలు ఉండటంతో హెలికాప్టర్ ల్యాండింగ్ సమయంలో సమస్యలు తలెత్తాయి. పైలట్ చివరి నిమిషంలో చాకచక్యంగా హెలికాప్టర్‌ను ల్యాండ్ చేయకుండా ముందుకు తీసుకు వెళ్లారు. అనంతరం అధికారులు క్లియరెన్స్ ఇవ్వడంతో సురక్షితంగా కిందకు ల్యాండ్ చేశారు. దీనికి సంబంధించిన వీడియో ప్రస్తుతం సోషల్ మీడియాలో(Social media) వైరల్ గా మారింది. ఈ ఘటన కారణంగా ఆయన పర్యటన అర్థాంతరంగా వాయిదా పడినట్లు తెలుస్తోంది. యడియూరప్పకు స్వాగతం పలికేందుకు అక్కడికి పెద్ద సంఖ్యలో చేరుకున్న వారందరూ వెనక్కి వెళ్లిపోయారు. ఘటనకు సంబంధించిన వీడియోను న్యూస్ ఏజెన్సీ ‘ఏఎన్‌ఐ’ ట్వీట్ చేసింది.
చదవండి : విడాకులు తీసుకోబోతున్న మరో స్టార్ జంట?
#WATCH | Kalaburagi | A helicopter, carrying former Karnataka CM and senior leader BS Yediyurappa, faced difficulty in landing after the helipad ground filled with plastic sheets and waste around. pic.twitter.com/BJTAMT1lpr
— ANI (@ANI) March 6, 2023
