Delhi High Court : మెహ్రౌలీలో ఇటీవల కూల్చివేసిన అఖుంద్జీ మసీదు, సమీపంలోని శ్మశానవాటికలో షాబ్-ఎ-బరాత్ కోసం ప్రార్థనలు చేసేందుకు ఢిల్లీ హైకోర్టు అనుమతి నిరాకరించింది. అంతకుముందు, మసీదు కూల్చివేతపై ఢిల్లీ వక్ఫ్ బోర్డు దాఖలు చేసిన పిటిషన్‌పై హైకోర్టు ఢిల్లీ డెవలప్‌మెంట్ అథారిటీ (డిడిఎ) నుండి స్పందన కోరింది. మసీదు కూల్చివేతకు ముందు డిడిఎ ఎవరికైనా సమాచారం ఇచ్చారా లేదా అని కోర్టు ప్రశ్నించింది. షబ్-ఎ-బరాత్ సందర్భంగా, ముస్లిం సమాజానికి చెందిన ప్రజలు తమ తమ పూర్వీకుల పాపాలకు అల్లాహ్ నుండి క్షమాపణ కోరతారు. ఢిల్లీ వక్ఫ్ బోర్డు మేనేజ్‌మెంట్ కమిటీ దాఖలు చేసిన దరఖాస్తును విచారించిన ఢిల్లీ హైకోర్టు జస్టిస్ పురుషేంద్ర కుమార్ కౌరవ్, అక్కడికక్కడే యథాతథ స్థితిని కొనసాగించాలని చెప్పారు.
చదవండి: MLC Kavitha: కవితకు బిగుస్తున్న ఉచ్చు.. విచారణకు రావాలని సీబీఐ సమన్లు
మసీదు కూల్చివేతకు సంబంధించిన ప్రధాన పిటిషన్‌పై ఇప్పటికే కోర్టులో విచారణ జరుగుతోందని జస్టిస్ కౌరవ్ తెలిపారు. పిటిషన్‌ను కూడా మార్చి 7కు వాయిదా వేశారు. కోర్టు ఈ విషయంలో ఎటువంటి ఆదేశాలు ఇవ్వడానికి ఇష్టపడలేదు. ఆ దరఖాస్తు తిరస్కరించబడింది. దాదాపు 600 ఏళ్ల నాటిదని భావిస్తున్న అఖుంద్జీ మసీదుతో పాటు, అక్కడి బహ్రుల్ ఉలూమ్ మదర్సాను సంజయ్ ఫారెస్ట్‌లో అక్రమంగా నిర్మించినట్లు ప్రకటించారు. దీని తరువాత, డీడీఏ చర్య తీసుకొని జనవరి 30 న మసీదును కూల్చివేసింది. దీని తరువాత, DDA చర్యకు వ్యతిరేకంగా ముస్లిం పక్షం హైకోర్టును ఆశ్రయించింది. మసీదు సమీపంలోని శ్మశాన వాటికలో పాతిపెట్టిన కుటుంబాలను ఈ నెలాఖరులో జరిగే షబ్-ఎ-బరాత్ సందర్భంగా అక్కడ ప్రార్థనలకు అనుమతించాలని హైకోర్టు తిరస్కరించిన పిటిషన్‌లో పేర్కొంది. ఈ మసీదు శతాబ్దాల నాటిదని, చాలా ఏళ్లుగా అక్కడ నమాజ్ చేశారని ముస్లిం పక్షం పేర్కొంది. అక్కడ స్థానిక ప్రజలు ఉపయోగించే శ్మశానవాటిక కూడా ఉంది.
చదవండి:Varun tej : దేశ భక్తి తో జవాన్ లకు ఇస్తున్న ట్రిబ్యూట్ మా సినిమా : వరుణ్ తేజ్
