How is the trailer of Varun Tej's Operation Valentine?
Varun tej : వరుణ్ తేజ్ హీరోగా తెరకెక్కిన చిత్రం ఆపరేషన్ వాలెంటైన్. నిజానికి ఈ సినిమా ఇప్పటికే విడుదల కావాల్సి ఉండగా వాయిదాల మీద వాయిదాలు పడి మార్చి 1న విడుదల కానుంది. ఈ సినిమా ప్రమోషన్స్‌లో భాగంగా చిత్ర యూనిట్ ఇప్పుడు ఏపీలో పర్యటిస్తున్నారు. ఈరోజు విశాఖపట్నంలో ఆపరేషన్ వాలెంటైన్ చిత్ర బృందం సందడి చేసింది. ఈ క్రమంలో సినిమా ప్రమోషన్స్‌లో పాల్గొన్న హీరో వరుణ్ తేజ్ పలు ఆసక్తికర వ్యాఖ్యలు చేశాడు. ఫిబ్రవరి 14న పుల్వామా ఉగ్రదాడి నేపథ్యంలో చిత్రీకరించిన సన్నివేశాలతో ఈ సినిమా రాబోతోందని.. తెలుగులో ఎయిర్ ఫోర్స్ పై వచ్చిన తొలి సినిమా ఇదే అని తెలిపారు. ఈ చిత్రాన్ని హిందీ, తెలుగు భాషల్లో ఒకేరోజు విడుదల చేయబోతున్నామని, దేశ భక్తితో జవాన్లకు అర్పించే నివాళి చిత్రమిదని అన్నారు.
చదవండి:Farmers Protest : రైతు ఉద్యమంలో ప్రాణాలు పోగొట్టుకున్న మరో రైతు
ఈ సినిమా తో బిజెపి, అర్ ఎస్ ఎస్ లకు ఏం సంబంధం లేదన్నారు. దేశ సరిహద్దుల్లో సైనికులు ఎదుర్కొంటున్న అసలైన సవాళ్లను ప్రజలకు తెలియజేసే ప్రయత్నమే ఈ సినిమా అని, మంచి చిత్రాన్ని ప్రేక్షకులు ఆదరిస్తారనే నమ్మకం ఉందన్నారు. దేశంలోని ప్రతి ఒక్క దేశభక్తుడికి మా సినిమా కనెక్ట్ అవుతుందన్నారు. తన కెరీర్‌లో బిగ్గెస్ట్ హిట్ అవుతుందని భావిస్తున్నట్లు వరుణ్ తేజ్ తెలిపారు. వరుణ్ తేజ్ రాజకీయ అంశాల గురించి మాట్లాడుతూ.. 2019 ఎన్నికల ప్రచారంలో పాల్గొన్నానని, ఇప్పుడు కూడా ఇంట్లో పెద్దలు చెప్పినట్టే చేస్తానని చెప్పాడు. పబ్లిసిటీ చేయడానికి పెద్దలు సిద్ధంగా ఉన్నారని, మన పవన్ బాబాయ్‌కి 100% మద్దతు ఎప్పుడూ ఉంటుందని అన్నారు.
చదవండి:Donald Trump : నేను క్రిస్టియన్ అయినందుకు గర్వపడుతున్నాను : ట్రంప్‌
