Loksabha Elections : లోక్‌సభ ఎన్నికలకు సంబంధించిన మూడో దశ ఓటింగ్ మే 7న పూర్తయింది. ఈ దశలో మధ్యప్రదేశ్‌లోని తొమ్మిది స్థానాలకు పోలింగ్ జరిగింది. అయితే, ఓటింగ్ ముగిసిన తర్వాత బేతుల్ నుండి ఓ షాకింగ్ ఘటన వెలుగులోకి వచ్చింది. వాస్తవానికి మే 7న ఓటింగ్ ముగిసిన తర్వాత ఈవీఎంలు, పోలింగ్ సిబ్బందితో తిరిగి వస్తున్న బస్సులో ఒక్కసారిగా మంటలు చెలరేగాయి. ఈ బస్సు బెతుల్ జిల్లాలోని ఆరు పోలింగ్ స్టేషన్ల నుంచి ఓటింగ్ మెటీరియల్‌ను తీసుకువస్తోంది.
జిల్లాలోని ఆరు పోలింగ్ కేంద్రాల నుంచి ఓటింగ్ మెటీరియల్, ఉద్యోగులతో ఈ బస్సు బేతుల్‌కు వస్తున్నట్లు కలెక్టర్ నరేంద్ర కుమార్ సూర్యవంశీ తెలిపారు. జిల్లాలోని సాయిఖేడా పోలీస్ స్టేషన్ పరిధిలోని బిస్నూర్ – పౌని గౌలా గ్రామాల మధ్య ఈ ప్రమాదం జరిగింది. రాత్రి 11:00 గంటల సమయంలో అగ్ని ప్రమాదం జరిగినట్లు తెలుస్తోంది. ఘటనపై నివేదికను ఎన్నికల సంఘానికి పంపి అక్కడి నుంచి వచ్చిన ఆదేశాలను పాటిస్తామని కలెక్టర్ తెలిపారు.
చదవండి:PM Modi : చర్మం రంగును బట్టి విలువ ఇస్తారా.. శ్యామ్ పిట్రోడా ప్రకటనపై మండిపడ్డ ప్రధాని
రాత్రి 11 గంటల సమయంలో మంటలు చెలరేగినట్లు ఆ ప్రాంత కలెక్టర్ తెలిపారు. బేతుల్‌లో బస్సు దగ్ధమైన సంఘటన స్థలానికి కలెక్టర్, సూపరింటెండెంట్ ఆఫ్ పోలీస్ వెంటనే చేరుకున్నారు. అనంతరం బేతుల్, ముల్తాయ్‌, అత్నర్‌ అగ్నిమాపక సిబ్బంది ఘటనాస్థలికి చేరుకుని మంటలను అదుపు చేశారు. అగ్నిమాపక వాహనాలు వచ్చే వరకు వేచి ఉండగా మంటలు చెలరేగాయి. అనంతరం అగ్నిమాపక వాహనాలతో మంటలను ఆర్పివేశారు. కాలిపోతున్న బస్సులో నుంచి దూకి డ్రైవర్ ప్రాణాలను కాపాడుకున్నాడు.
ప్రమాదంలో ఉద్యోగులంతా క్షేమంగా ఉన్నారని కలెక్టర్ తెలిపారు. నిన్న బస్సులో ఆరు పోలింగ్ కేంద్రాలకు చెందిన ఈవీఎం మిషన్లు, వీవీప్యాట్ మిషన్లు, ఇతర మెటీరియల్‌లను ఉంచామని, అందులో రెండు పోలింగ్ స్టేషన్ల మెటీరియల్ పూర్తిగా భద్రంగా ఉందని, నాలుగు పోలింగ్ స్టేషన్ల మెటీరియల్ పాడైపోయాయని తెలిపారు. పోలింగ్ బృంద ఉద్యోగులను మరో బస్సులో పంపించి మిగిలిన మెటీరియల్‌ను సురక్షితంగా బేతుల్‌కు తీసుకొచ్చేందుకు ఏర్పాట్లు చేసి కలెక్టర్, పోలీసు సూపరింటెండెంట్‌లు వెనుదిరిగారు.
చదవండి:Lok Sabha Elections: వాళ్ల ఓటు వారికి వేసుకోలేని ఎంపీ అభ్యర్థులు వీరే?
