భారతీయ రాజకీయనాయకుల్లో ది బెస్ట్ కుక్ ఎవరో కాంగ్రెస్ నేత రాహుల్ గాంధీ(Rahul Gandhi) చెప్పేశారు. ఇటీవల ఓ ఫుడ్ బ్లాగర్ కి రాహుల్ గాంధీ ఇంటర్వ్యూ ఇచ్చారు. ఈ ఇంటర్వ్యూలో ఆయన పలు ఆసక్తికర విషయలను వెల్లడించారు. లాలూ ప్రసాద్ యాదవ్(lalu prasad yadav) బెస్ట్ కుక్(best cook) అని కితాబు ఇచ్చారు. ఇక తన ఇంట్లో అయితే.. తన అమ్మ సోనియా గాంధీ వంట చాలా అద్భుతంగా చేస్తారని చెప్పారు. తన తల్లి తర్వాత సోదరి ప్రియాంక కూడా వంట బాగా చేస్తుందని, ఆమె తర్వాత తనకు మూడో స్థానం ఇచ్చుకుంటానని రాహుల్ చెప్పడం విశేషం.
తనకు మార్నింగ్ కాఫీ, ఈవెనింగ్ టీ అంటే చాలా ఇష్టమని చెప్పారు. ఫ్రెంచ్ డిష్ కన్నా ఇండియన్ మిఠాయిని మొదట కోరుకుంటాను అని చెప్పారు. ఈ ఇంటర్వ్యూ ను ఓల్డ్ ఢిల్లీ(old delhi)లో ‘ఫుడ్ వాక్’ సందర్భంగా సరదాగా నిర్వహించారు. ఇక్కడ రాహుల్… మాథియా మహల్ మార్కెట్, బెంగాలీ మార్కెట్ నుంచి తెప్పించిన డిష్ లను ఇష్టంగా తిన్నారు. ఇంకా ఇక్కడ పాపులర్ అయిన షర్బత్ ను ఎంతో ప్రీతిగా తాగారు.నాథూరామ్ స్వీట్స్ ను, పానీ పూరీలను కూడా ఆయన ఇష్టపడ్డారు.
ప్రధాని మోడీ ఇంటిపేరుపై తాను చేసిన వ్యాఖ్యలతో లోక్ సభ సభ్యత్వాన్ని కోల్పోయిన రాహుల్.. తుగ్లక్ రోడ్డులోని ప్రభుత్వ బంగళాను ఖాళీ చేసి తన తల్లి సోనియాగాంధీ ఇంటిని చేరుకున్నారు. ఆ తరువాత కర్ణాటక అసెంబ్లీ ఎన్నికల్లో తమ పార్టీ తరఫున రెండు రోజులు ప్రచారం చేసి.. తాజాగా ఢిల్లీ(delhi) చేరుకున్నారు. ఇక్కడి నందిని మిల్క్ షాప్ లో ఐస్ క్రీమ్ తింటున్న ఫోటోలను షేర్ చేశారు. ఢిల్లీలో అమూల్ బ్రాండ్ ఎంట్రీ పై తలెత్తిన వివాదం నేపథ్యంలో ఆయన ఈ ఫోటోలను షేర్ చేయడం విశేషం.
ఇది కూడా చూడండి: సర్కస్ దిగ్గజం జెమినీ శంకరన్ కన్నుమూత.. Circus లోకానికి తీరని లోటు
