నాటి రోజుల్లో నాటకాలు, సర్కస్ (Circus)లు అనేవి ప్రధాన వినోదాలు. నేడు కాలం మారింది వాటికి ఆదరణ కరువైంది. కానీ అప్పట్లో ఆ రెండూ ప్రధాన వినోద కేంద్రాలు. వాటిలో సర్కస్ అంటే జెమినీ సర్కస్ (Gemini Circus) గుర్తొచ్చేది. దేశవ్యాప్తంగా జెమినీ సర్కస్ ప్రజలను అలరించింది. సాహస క్రీడలు.. జంతువులతో ఆటలు.. విన్యాసాలు ప్రజలను ఆకట్టుకునేవి. అలాంటి జెమినీ సర్కస్ ను రూపొందించిన జెమినీ శంకరన్ (99) కన్నుమూశారు. వృద్ధాప్య సమస్యలతో బాధపడుతున్న ఆయన ఆదివారం కన్నుమూశారు.
చదవండి: మాజీ CS సోమేశ్ కుమార్ BRSలో చేరారా.? ఇది నిజమా? KCR ప్లానేంటి?
కేరళలోని (Kerala) కొలస్సెరీ గ్రామంలో 1924 జూన్ 13వ తేదీన పుట్టిన శంకరన్ అసలు పేరు ముర్కొత్ వెంగకండి శంకరన్. జెమినీ సర్కస్ కంపెనీ ప్రారంభించడంతో జెమినీ శంకరన్ (Gemini Shankaran)గా పేరు వచ్చింది. మొదట సర్కస్ కళాకారుడిగా శిక్షణ పొందారు. అనంతరం సైన్యంలో చేరి రెండో ప్రపంచ యుద్ధంలో పాల్గొన్నారు. పదవీ విరమణ పొందాకు సర్కస్ రంగంలోకి వచ్చారు. 1951లో విజయ్ సర్కస్ (Vijay Circus) అనే కంపెనీని కొనుగోలు చేసి జెమినీగా పేరు మార్చారు. సర్కస్ లో కొత్తదనం తీసుకొచ్చారు. నిపుణులతో, విదేశాల నుంచి తెప్పించిన జంతువులతో సర్కస్ లో కొత్త కొత్త మార్పులు చేశారు. 1964లో రష్యా అంతర్జాతీయ సర్కస్ ఫెస్టివల్ లో శంకరన్ సారథ్యంలో భారత బృందం ప్రాతినిథ్యం వహించింది. జంతువుల విన్యాసాలు, సాహస బృందాల ప్రదర్శనలతో దశాబ్దాలుగా దేశ ప్రజలను జెమినీ సర్కస్ అలరిస్తోంది. జెమినీతో పాటు జంబో సర్కస్ ను శంకరన్ స్థాపించారు. అప్పట్లో సర్కస్ కు విశేష ఆదరణ లభించేది. కానీ ఇప్పుడు సెల్ ఫోన్, టీవీ, సినిమాల కారణంగా సర్కస్ ను ఆదరించే వారు కరువయ్యారు. సర్కస్ రంగం కళావిహీనంగా మారుతోంది.
చదవండి: తీన్మార్ మల్లన్నకు భారీ షాక్.. హత్య కుట్ర కేసులో మాజీ సీఐ అరెస్ట్
అతడి మృతికి కేరళ ముఖ్యమంత్రి పినరయి విజయన్ (Pinarayi Vijayan)తో పాటు పలువురు ప్రముఖులు సంతాపం ప్రకటించారు. సర్కస్ తో శంకరన్ జాతీయ, అంతర్జాతీయ పేరు ప్రఖ్యాతులు సంపాదించారు. రాష్ట్రపతులు రాధాకృష్ణన్, ప్రధానమంత్రులు జవహర్ లాల్ నెహ్రూ, లాల్ బహదూర్ శాస్త్రి, ఇందిరాగాంధీతోపాటు వివిధ పార్టీల అధ్యక్షులు, ప్రపంచ నాయకులతో శంకరన్ సత్సంబంధాలు కొనసాగించారు. వారంతా శంకరన్ కు మంచి మిత్రులు. అతడికి ముగ్గురు కుమారులు అజయ్ శంకర్, అశోక్ శంకర్, రేణు శంకర్. వీరు తండ్రి కంపెనీ బాధ్యతలు నిర్వహిస్తున్నారు.
చదవండి: బిడ్డ మాదిరి తల్లి.. Policeపై వైఎస్ విజయమ్మ కూడా దాడి.. తీవ్ర ఉద్రిక్తత
