ఢిల్లీ మాజీ మంత్రి మనీశ్ సిసోడియా(Manish Sisodia)కు మరోసారి చుక్కెదురైంది. లిక్కర్ స్కామ్‌లో ఆయనకు బెయిల్‌ను సుప్రీంకోర్టు తిస్కరించింది. ఈ కేసుల్లో ఆయన దాఖలు చేసిన బెయిల్ పిటిషన్లను అత్యున్నత న్యాయస్థానం (Supreme Court) కొట్టివేసింది. ఈ కేసులో నగదు లావాదేవీలు జరిగినట్లు కొన్ని ఆధారాలున్నాయని దర్యాప్తు సంస్థ (Investigation)చూపించిందని కోర్టు తెలిపింది. 348 కోట్లు చేతులు మారాయనడానికే ప్రాథమిక ఆధారం ఉందని సుప్రీం కోర్టు వెల్లడించింది.
చదవండి : Elephant : పార్వతీపురం రైల్వేస్టేషన్‌లో ఏనుగు హల్‌చల్..బెంబేలెత్తిన ప్రజలు
కాగా సిసోడియా 9 నెలలు నుంచి తిహార్ జైలు(Tihar Jail)లో ఉన్నారు.ఈ కేసు విచారణను 6-8 నెలల్లో పూర్తి చేయాలని సంబంధిత అధికారులను ఆదేశించింది. ఒకవేళ విచారణ నిదానంగా సాగితే.. సిసోదియా మూడు నెలల్లోపు మళ్లీ బెయిల్(Bail)కు దరఖాస్తు చేసుకోవచ్చని సూచించింది.దిల్లీ మద్యం కుంభకోణం కేసులో ఈ ఏడాది ఫిబ్రవరి 26న మనీశ్ సిసోదియాను సీబీఐ (CBI) అరెస్టు చేసిన విషయం తెలిసిందే. ఆ తర్వాత మార్చి 9న ఈడీ కూడా సిసోదియాపై కేసు నమోదు చేసి అరెస్టు చేసింది. ప్రస్తుతం ఆయన కస్టడీపై తిహాడ్‌ జైల్లో ఉన్నారు. ఈ కేసుల్లో బెయిల్ కోసం కింది కోర్టుల్లో ఊరట లభించకపోవడంతో సిసోదియా సుప్రీంకోర్టును ఆశ్రయించారు. సీబీఐ, ఈడీ కేసుల్లో వేర్వేరుగా బెయిల్ పిటిషన్లు దాఖలు చేశారు.
చదవండి : తల నరుకుతామని బెదిరించారు..బండి సంజయ్ షాకింగ్ కామెంట్స్
