రాజస్థాన్‌లో ఓ శిశువు 26 వేళ్లతో జన్మించింది. ఈ వింత ఘటన స్థానికంగా కలకలం రేపింది. భరత్‌పూర్‌లో 26 వేళ్లతో ఆడపిల్ల జన్మించిందని తెలియడంతో అందరూ ఆశ్చర్యం వ్యక్తం చేశారు. ఆ శిశువు కుటుంబీకులు దైవ స్వరూపంగా భావిస్తున్నారు. శిశువు ప్రతి చేతిలోనూ ఏడు వేళ్లు, ప్రతి కాలులో ఆరు వేళ్లతో పుట్టింది. శిశువును ఆమె కుటుంబ సభ్యులు డోలాగర్ దేవి, దేవతా అవతారంగా భావించి మొక్కుకున్నారు.
చదవండి: Aditya L1: గుడ్‌న్యూస్ చెప్పిన ఇస్రో.. ఆదిత్య ఎల్ 1తో కీలక సమాచారం!
అయితే ఈ సంఘటనపై వైద్యులు వేరే రకంగా స్పందించారు. వైద్యులు దీనిని జన్యు సంబంధిత సమస్యగా భావిస్తున్నారు. 26 వేళ్లు ఉండటం సాధారణమైనప్పటికీ, ఇది చాలా అరుదైన సంఘటనగా అని డాక్టర్లు చెబుతున్నారు. పాప తల్లి సర్జూ దేవి వయసు 25 ఏళ్లు మాత్రమే. ఆమె 8 నెలల గర్భవతిగా ఉన్నప్పుడు ప్రసవ వేదనకు గురైంది.
చదవండి: Srinivasa Setu FlyOver : తిరుపతికి మణిహారంగా శ్రీనివాస సేతు: సీఎం జగన్
26 వేళ్లు ఉండటం వల్ల ఏ హానీ ఉండదని, అది జన్యుపరమైన వైపరీత్యమని, ప్రస్తుతం శిశువు పూర్తి ఆరోగ్యంతో ఉందని వైద్యులు తెలిపారు. పాప అలా జన్మించడం ఒక జన్యుపరమైన వైపరీత్యమని డాక్టర్ బిఎస్ సోనీ వెల్లడించారు. గ్రామస్తులు ఆ పాపను ధోలగర్ దేవి అవతారంగా భావిస్తున్నారు. పాప తండ్రి గోపాల్ భట్టాచార్య సెంట్రల్ రిజర్వ్ పోలీస్ ఫోర్స్ (CRPF)లో హెడ్ కానిస్టేబుల్ గా ఉన్నారు. పాప అలా పుట్టడం సంతోషకర విషయమని, గ్రామస్తులంతా పాపను దేవతగా కొలుస్తున్నారని తెలిపారు.
