Vijay's 'Greatest of All Time' release date fixed!
Vijay: కోలీవుడ్ ఇలయ దళపతి విజయ్ నటిస్తున్న లేటెస్ట్ ఫిల్మ్ ‘గ్రేటెస్ట్ ఆఫ్ ఆల్ టైమ్’. ఈ సినిమాకు వెంకట్ ప్రభు దర్శకత్వం వహిస్తున్నాడు. చివరగా నాగ చైతన్య ‘కస్టడీ’ సినిమాతో మెప్పించలేకపోయాడు వెంకట్ ప్రభు. అయినా కూడా విజయ్‌తో ఛాన్స్ అందుకొని గ్రేటెస్ట్ ఆఫ్ ఆల్ టైమ్ సినిమా చేస్తున్నాడు. ఇక విజయ్ చివరగా వచ్చిన లోకేష్ కనగరాజ్ ‘లియో’ సినిమాతో అలరించాడు. మిక్స్డ్ టాక్‌తోనే భారీ వసూళ్లను కొల్లగొట్టింది లియో. అయితే.. ఇటీవలె పొలిటికల్ పార్టీని ప్రకటించాడు విజయ్. దీంతో ఇప్పటికే కమిట్ అయిన సినిమాలతో పాటు మరో రెండు మూడు సినిమాలు చేసి రాజకీయ పై ఫుల్ ఫోకస్ చేయడానికి రెడీ అవుతున్నాడు విజయ్. ఈ నేపథ్యంలో జెట్ స్పీడ్‌లో గ్రేటెస్ట్ ఆఫ్ ఆల్ టైం సినిమాను ఆడియెన్స్ ముందుకు తీసుకొస్తున్నాడు.
చదవండి:Ram Charan: రామ్ చరణ్‌కి అరుదైన గౌరవం!
ఇప్పటికే ఈ సినిమా నుంచి ఫ‌స్ట్ లుక్ విడుద‌ల చేయ‌గా.. మంచి రెస్పాన్స్ వచ్చింది. తాజాగా రంజాన్ కానుక‌గా ఈ సినిమా రిలీజ్ డేట్ అనౌన్స్ చేశారు. గ్రేటెస్ట్ ఆఫ్ ఆల్ టైమ్ సినిమాను సెప్టెంబ‌ర్ 5న వ‌రల్డ్ వైడ్‌గా విడుద‌ల చేయ‌నున్న‌ట్లు విజయ్ ఎక్స్ వేదిక‌గా ప్రకటించాడు. దీంతో విజయ్ ఫ్యాన్స్ ఫుల్ ఖుషీ అవుతున్నారు. ఇక ఏజీఎస్‌ ఎంటర్‌టైన్‌మెంట్‌ ప్రొడక్షన్‌ బ్యానర్‌పై తెరకెక్కిస్తున్న ఈ చిత్రానికి యువన్ శంకర్ రాజా సంగీతం అందిస్తున్నాడు. ప్ర‌స్తుతం ఈ సినిమా షూటింగ్ ర‌ష్యాలో జ‌రుపుకుంటుంది. ర‌ష్యాలో విజ‌య‌పై యాక్ష‌న్ సీన్స్‌ను చిత్రీక‌రిస్తున్న‌ట్లు మేకర్స్ వెల్ల‌డించారు. మరి గ్రేటెస్ట్ ఆఫ్ ఆల్ టైమ్ ఎలా ఉంటుందో చూడాలి.
చదవండి:Love Guru Movie Review: భార్య ప్రేమ కోసం పొందే ప్రయత్నం ఫలించిందా?
