పాన్ ఇండియా స్టార్ ప్రభాస్ గురించి ఏదోక విషయం వార్తల్లో నిలుస్తూ ఉంటుంది. తాజాగా ఆయన పెంపుడు తల్లి గురించే ఇండస్ట్రీలో చర్చ సాగుతోంది. అయితే అది రియల్ లైఫ్ లో మదర్ గురించి మాత్రం కాదు. ఆయన చేస్తున్న సినిమాలోని మదర్ క్యారెక్టర్ గురించి. త్వరలో సలార్ సినిమాతో ప్రభాస్ ప్రేక్షకుల ముందుకు రానున్నాడు. ఈ మూవీ గురించి ఇండస్ట్రీలో రకరకాల కామెంట్స్ వినిపిస్తున్నాయి. సలార్ సినిమాలో మదర్ సెంటిమెంట్ ఉందనగానే ఇది మరో కేజీయఫ్ సినిమా అని అందరూ అనుకుంటున్నారు.
చదవండి: Devara Movie: ‘దేవర’ కోసం బాహుబలి, RRR ఫైట్ మాస్టర్!
అయితే అది కేజీయఫ్ కాదని, దానికి సీక్వెల్ లాంటిదని మరికొందరు చెప్పుకుంటున్నారు. ఎందుకంటే కేజీయఫ్ లో రాఖీ భాయ్ తల్లి, సలార్ లో హీరో ప్రభాస్ కి కూడా తల్లేననే టాక్ సోషల్ మీడియాలో విపరీతంగా వైరల్ అవుతోంది. కేజీయఫ్ లో రాఖీ భాయ్ తల్లి పెంపుడు కొడుకే సలార్ లోప్రభాస్ పాత్ర అని, తల్లి కోసం, అలానే సోదరుడు లాంటి రాఖీ భాయ్ కి ఇచ్చిన మాటకోసం కేజీయఫ్ లో అడుగుపెట్టే సీన్ సలార్ లో ఉందనే టాక్ వినిపిస్తోంది.
చదవండి: Pawan Kalyan: పవన్‌ కళ్యాణ్‌కు తప్పుడు సమాచారం.. నాజర్
అలాగే కేజీయఫ్ ని, సలార్ ని ప్రశాంత్ నీల్ తన సినిమాటిక్ యూనివర్స్ లో భాగంగా కలిపాడని ఇండస్ట్రీ వర్గాలు గుసగుసలాడుకుంటున్నాయి. ఇక ఎన్టీఆర్ తో తీసే సినిమాకు ఈమూవీలతో లింక్ ఉంటుందని, అలా ప్రశాంత్ నీల్ సినిమాలను కంటిన్యూ చేయబోతున్నాడనే టాక్ వినిపిస్తోంది. తారక్ తో సినిమా తర్వాత కేజీయఫ్ 3 ప్లాన్ చేస్తానంటున్న ప్రశాంత్ నీల్, అందులో ప్రభాస్ పాత్ర ఉండేలా చూసుకుంటున్నాడట. సలార్ సాంగ్ లాంచ్ విషయంలో ఫిల్మ్ టీం చర్చల తాలూకు అంశాలు లీకవ్వటంతో ఇలాంటి ప్రచారాలు జోరుగా వినిపిస్తున్నాయి.
