ఏ ముహూర్తాన హరిహర వీరమల్లు సినిమా మొదలు పెట్టారో గానీ.. రోజు రోజుకి లేట్ అవుతునే ఉంది. ప్రస్తుతం పవర్ స్టార్ చేతిలో మొత్తం నాలుగు సినిమాలున్నాయి. వీటిలో హరిహర వీరమల్లునే ఫస్ట్ స్టార్ట్ చేశారు పవన్. కానీ ఈ ప్రాజెక్ట్‌ని పక్కకు పెట్టేసి.. మిగతా సినిమాలను పరుగులు పెట్టిస్తున్నాడు పవర్ స్టార్(Pawan Kalyan). హ‌రిహ‌ర‌వీర‌మ‌ల్లు షూటింగ్ మొద‌లై రెండున్న‌రేళ్లు దాటిపోయింది. ఇప్ప‌టికీ ఈ సినిమా షూటింగ్ కంప్లీట్ అవడం లేదు. అసలు ఈ సినిమా లైన్లో ఉందా.. లేదా అనే అనుమానాలు కూడా వ్యక్తమవుతున్నాయి.
ఇది కూడా చదవండి: Toliprema : ఘనంగా ‘తొలిప్రేమ’ రీ-రిలీజ్ ట్రైలర్ వేడుక
క్రిష్‌ జాగర్లమూడి కూడా ఈ ప్రాజెక్ట్ గురించి ఎక్కడా నోరు విప్పడం లేదు. దీంతో ఈ సినిమాలో హీరోయిన్ నటిస్తున్న నిధి కెరీర్ డైలమాలో పడిపోయినట్టేనని అంటున్నారు. ఈ చిత్రంలో పవన్(Pawan Kalyan) సరసన నిధి అగర్వాల్ హీరోయిన్‌గా నటిస్తున్న సంగతి తెలిసిందే. మామూలుగా పవన్‌తో ఛాన్స్ అంటే.. ఏ హీరోయిన్ ఎగిరి గంతేయాల్సిందే. నిధి కూడా అలాగే చేసింది. కానీ హరిహర వీరమల్లు ఇప్పట్లో తిరిగి సెట్స్ పైకి వెళ్లేలా లేదు.
ఇది కూడా చూడండి: Chiranjeevi: క్రేజీ కాంబో.. 200 కోట్ల సెన్సేషనల్ డైరెక్టర్‌తో మెగాస్టార్!?
పవన్(Pawan Kalyan) పొలిటికల్‌గా బిజీ అవటంతో హరి హరవీరమల్లు లేనట్టేనని అంటున్నారు. దీంతో నిధి అగర్వల్ ఆశలు ఆవిరయినట్టే. ఈ సినిమాకు ముందు కనీసం ఒకటి అర ప్రాజెక్ట్స్ అయినా చేసింది నిధి. కానీ హరి హర వీరమల్లుకి డేట్స్ ఇవ్వడంతో.. షూటింగ్ ఎప్పుడుంటుందో తెలియక.. మిగతా ఆఫర్స్ దూరమవుతున్నాయి. మొత్తంగా పవన్ దెబ్బకు నిధి అగర్వాల్ కెరీర్ క్లోజ్ అయినట్టేనని.. ఇండస్ట్రీలో జోరుగా ప్రచారం జరుగుతోంది.
