Sudheer Babu Harom Hara movie Teaser Released
నైట్రో స్టార్ అనే బిరుదుతో హిట్, ఫ్లాపుతో సంబంధం లేకుండా వరుస సినిమాలు చేస్తున్నాడు సుధీర్ బాబు(Sudheer Babu). ఇటీవల ‘మామా మశ్చీంద్రా’ అనే సినిమాతో ఆడియెన్స్ ముందుకొచ్చాడు సుధీర్. ఈ చిత్రానికి హర్షవర్ధన్ దర్శకత్వం వహించాడు. ఈ సినిమాలో సుధీర్ బాబు ఏకంగా మూడు విభిన్న పాత్రలో నటించాడు. కానీ ఈ సినిమా ఫ్లాప్‌గా నిలిచింది. దీంతో సాలిడ్ హిట్ కొట్టాలనుకున్న సుధీర్ బాబుకి మళ్లీ నిరాశే ఎదురైంది. అయినా తగ్గేదేలే అంటున్నాడు సుధీర్ బాబు. వెంటనే మరో కొత్త సినిమా టీజర్‌ను రిలీజ్ చేశాడు. సుధీర్ బాబు హీరోగా నటిస్తున్న లేటెస్ట్ ఫిల్మ్ హరోంహర(Harom Hara). జ్ఞాన సాగర్ ద్వారక దర్శకత్వం వహిస్తున్న ఈ చిత్రాన్ని శ్రీ సుబ్రహ్మణ్యేశ్వర సినిమాస్ బ్యానర్ పై సుమంత్ జి నాయుడు నిర్మిస్తున్నాడు.
సుధీర్ సరసన మాళవిక శర్మ హీరోయిన్‌గా నటిస్తోంది. ఈ టీజర్(teaser)ను పాన్ ఇండియా స్టార్ల చేత రిలీజ్ చేయించారు. కన్నడలో సుదీప్, మలయాళంలో మమ్ముట్టి, తమిళ్‌లో విజయ్ సేతుపతి రిలీజ్ చేయగా.. తెలుగులో డార్లింగ్ ప్రభాస్.. టీజర్‌ను రిలీజ్ చేసి చిత్ర బృందానికి బెస్ట్ విషెస్ తెలిపాడు. ఇక ఈ టీజర్ చూస్తే..సుధీర్ బాబు ఊరమాస్ లుక్‌లో కనిపించాడు. విలేజ్ బ్యాక్ డ్రాప్‌లో సినిమాను తెరకెక్కించినట్లు తెలుస్తోంది. ‘అందరూ.. పవర్ కోసం గన్ పట్టుకుంటారు. కానీ ఇది యాడాడో తిరిగి నన్ను పట్టుకుంది’ అని సుధీర్ బాబు చెప్పే డైలాగ్‌తో టీజర్ మొదలయ్యింది. సుబ్రహ్మణ్యం అనే వ్యక్తి జీవితంలో జరిగిన సంఘటనలు ఏంటి? అనేదే హరోంహర కథగా ఉంది. వచ్చే ఏడాది ఈ సినిమా ప్రేక్షకుల ముందుకు రానుంది. మరి ఈ సినిమాతోనైనా సుధీర్ బాబు హిట్ కొడతాడేమో చూడాలి మరి.
ఇది కూడా చూడండి: Extra ordinary man: ట్రైలర్ రిలీజ్..మైసమ్మ..ఈసారి నితిన్ కొట్టాల్సిందే!
