మాటల మాంత్రికుడు త్రివిక్రమ్ దర్శకత్వంలో.. మహేశ్ బాబు తన 28వ సినిమా చేస్తున్నాడు. ఇప్పటికే ఫస్ట్ షెడ్యూల్ కంప్లీట్ చేసుకున్న ఈ చిత్రం.. సెకండ్ షెడ్యూల్ స్టార్ట్ చేసేశారు. ఈ లేటెస్ట్ షెడ్యూల్‌ని యాక్షన్ సీక్వెన్స్‌తో మొదలు పెట్టాడు త్రివిక్రమ్. హైదరాబాద్‌లోని ఓ స్టూడియోలో యాక్షన్ మోడ్‌లో షూటింగ్ నడుస్తోంది. ఈ షెడ్యూల్ లో మహేష్‌తో పాటు హీరోయిన్ పూజా హెగ్డే కూడా జాయిన్ అయింది. ప్రస్తుతం ఈ ఇద్దరు షూటింగ్ స్పాట్‌లో ఉన్న ఫోటోలు నెట్టింట వైలర్ అవుతున్నాయి.
పూజా హెగ్దే సెట్స్‌లో కూల్‌గా కనిపించగా.. మహేష్ మాత్రం ఫైట్ మాస్టర్స్‌ రామ్-లక్ష్మణ్‌తో సీరియస్ డిస్కషన్ చేస్తున్నాడు. ఈ ఫొటోలతో సినిమాలో అదిరిపోయే యాక్షన్ సీక్వెన్స్ ఉంటుందని ఎక్స్ పెక్ట్ చేయొచ్చు. దాదాపు రెండు వారాల పాటు యాక్షన్ సీక్వెన్స్‌ను మాత్రమే షూట్ చేస్తారట. మహేష్, పూజా ఫోటోలే కాదు.. సెట్‌కు సంబంధించిన ఫోటోలు, వీడియోలు సైతం సోషల్ మీడియాలో తెగ వైరల్ అవుతున్నాయి. ఇకపోతే.. ఈ సినిమాను ఫ్యామిలీ ఎలిమెంట్స్‌తో పాటు.. హై ఓల్టేజ్ యాక్షన్ ఎంటర్టైనర్‌గా ప్లాన్ చేస్తున్నాడు త్రివిక్రమ్. మునుపెన్నడూ చూడని విధంగా సూపర్ స్టార్ మహేష్ ఈ సినిమాలో గడ్డంతో కనిపించబోతున్నాడట. ఇందులో పూజా హెగ్దేతో పాటు యంగ్ బ్యూటీ శ్రీలీల కూడా నటిస్తోంది. థమన్ సంగీతం అందిస్తున్నాడు. ఆగస్టు 11న ఎస్ఎస్ఎంబీ 28ని రిలీజ్ చేసేందుకు సన్నాహాలు చేస్తున్నారు.
