SSMB 29: దర్శక ధీరుడు రాజమౌళి సినిమాలో మహేష్ బాబు ఎలాంటి లుక్‌లో కనిపిస్తాడు? అనే ఎగ్జౌట్మెంట్‌తో ఉన్నారు ఘట్టమనేని అభిమానులు. ఇప్పటికే రాజమౌళి సినిమా కోసం రంగంలోకి దిగిన మహేష్ బాబు.. ఫిజికల్‌గా రెడీ అవుతున్నాడు. ఆ మధ్య జపాన్‌లో వారం రోజుల పాటు ప్ర‌త్యేక‌మైన ట్రైనింగ్ కూడా తీసుకున్నాడు. ఇక లుక్ పరంగా సరికొత్తగా మేకోవర్ అవుతున్నాడు మహేష్. అయితే.. ఆ మధ్య సూపర్ స్టార్ పెద్దగా బయట కనిపించకపోవడంతో.. లుక్ రివీల్ కాకుండా జాగ్రత్త పడుతున్నారని అనుకున్నారు.
ఇది కూడా చూడండి: Rajamouli-David Warner: రాజమౌళి డైరెక్షన్‌లో డేవిడ్ వార్నర్?
కానీ పలు యాడ్స్‌కు సంబంధించిన లుక్స్‌ని సోషల్ మీడియాలో షేర్ చేసుకున్నాడు మహేష్. అయితే.. ఇప్పుడు మాత్రం జక్కన్న సినిమా లుక్ రివీల్ కాకుండా ట్రై చేస్తున్నట్టే ఉంది. ప్రస్తుతం మహేష్ బాబు ఫ్యామిలీతో కలిసి న్యూజిలాండ్ వెకేషన్‌లో ఉన్నాడు. అందుకు సంబంధించిన ఫోటోలను సోషల్ మీడియాలో షేర్ చేసుకుంటున్నారు మహేష్, నమ్రత. అయితే.. సితార, గౌతమ్, నమ్రత ఫోటోలు మాత్రమే షేర్ చేస్తున్నారు. కానీ మహేష్‌కు సంబంధించిన ఫోటోలు మాత్రం బయటికి రావడం లేదు.
ఇది కూడా చూడండి: Akira Nandan: అకీరా ఎంట్రీ కోసం రంగంలోకి దిగిన రామ్ చరణ్‌?
లేటెస్ట్‌గా మాత్రం కనిపించి కనిపించకుండా ఓ ఫోటో షేర్ చేశాడు మహేష్. ఈ ఫోటోలో లాంగ్ హెయిర్‌లో క‌నిపిస్తున్నాడు మహేష్. త‌ల‌పై క్యాప్, మహేష్ ఒడిలో సితార ఉండడంతో.. ఫేస్ కనిపించకుండా ఉంది. కానీ మహేష్ రాజమౌళి సినిమా కోసం నయా లుక్ ట్రై చేస్తున్నట్టుగా క్లియర్‌గా తెలుస్తోంది. వెకేష‌న్ నుంచి మహేష్ షేర్ చేసిన ఫస్ట్ పిక్ ఇదే. దీంతో ఈసారి లుక్ పరంగా మహేష్ చాలా జాగ్ర‌త్త‌గా వ్య‌వ‌హ‌రిస్తున్న‌ట్లు క‌నిపిస్తుంది. ఏదేమైనా.. ప్రస్తుతం మహేష్ ఫోటో మాత్రం వైరల్‌గా మారింది.
