కన్నడ నుంచి వచ్చిన ‘కాంతార’ సినిమా సంచలనంగా నిలిచిన సంగతి తెలిసిందే. హీరోగా నటించిన రిషబ్ శెట్టినే ఈ సినిమాకు దర్శకత్వం వహించాడు. ఈ సినిమా రిషబ్‌కు హీరోగా, డైరెక్టర్‌గా పాన్ ఇండియా గుర్తింపు తీసుకొచ్చింది. అందుకే కాంతార 2 పై భారీ అంచనాలున్నాయి. ఇప్పటికే కాంతార ప్రీక్వెల్ చేయబోతున్నట్టు ప్రకటించాడు రిషబ్. ప్రస్తుతం ప్రీక్వెల్ పనులతో బిజీగా ఉన్నాడు రిషబ్. కానీ ఓ రూమర్ మాత్రం చాలా ఇంట్రెస్టింగ్‌గా మారింది. ఈ టాలెంటెడ్ హీరో కమ్ డైరెక్టర్.. మన రౌడీ హీరోతో ఓ సినిమా చేసే ప్లాన్‌లో ఉన్నాడట. లైగర్ ఫ్లాప్ తర్వాత శివ నిర్వాణ దర్శకత్వంలో ‘ఖుషి’ సినిమా చేస్తున్నాడు విజయ్ దేవరకొండ. రీసెంట్‌గానే సమంత షూటింగ్‌లో జాయిన్ అవడంతో.. శరవేగంగా షూటింగ్ చేస్తున్నారు. ఇక ఈ సినిమా తర్వాత గౌతమ్ తిన్ననూరితో ఓ సినిమా అనౌన్స్ చేశాడు. అయితే ఇప్పుడు ఊహించని విధంగా రిషబ్ శెట్టి దర్శకత్వంలో విజయ్ దేవరకొండ ఓ సినిమా చేసే ఛాన్స్ ఉందనే రూమర్స్ వినిపిస్తున్నాయి. ఇది కాస్త షాకింగ్‌గానే ఉన్నప్పటికీ.. నిజంగా ఈ ఇద్దరు కలిస్తే మాత్రం, ఆ ప్రాజెక్ట్ మోస్ట్ అవైటేడ్‌గా మారడం పక్కా అని చెప్పొచ్చు. అయితే ఇలాంటి వార్తలు పుకార్లకే పరిమితమయ్యే ఛాన్సెస్ ఎక్కువ. కాబట్టి ఇప్పుడే ఏం చెప్పలేం. ఇప్పటికే కన్నడ డైరెక్టర్స్ తెలుగు హీరోలతో సినిమాలు చేస్తున్నారు. ప్రశాంత్ నీల్ బ్యాక్ టు బ్యాక్ ప్రభాస్, ఎన్టీఆర్‌తో సినిమాలు చేస్తున్నాడు. ఈయన శిష్యుడు నర్థన్, రామ్ చరణ్‌తో ఓ సినిమా చేయబోతున్నాడు. కాబట్టి.. రౌడీ, రిషబ్ శెట్టి కాంబో సెట్ అయినా ఆశ్చర్యపోనక్కర్లేదు. చూద్దాం.. ఏం జరుగుతుందో..!
