సూపర్ స్టార్ రజినీకాంత్ (Rajanikanth) హీరోగా తెరకెక్కుతోన్న తాజా చిత్రం ‘జైలర్’ (Jailer Movie). ఈ మూవీ ప్రేక్షకుల ముందుకు రావటానికి సిద్ధమైంది. ఒక జైలర్ జీవితంలో సాగే కథాంశంతో ఈ మూవీ రూపొందుతోంది. సన్ పిక్చర్స్ బ్యానర్‌పై ఈ మూవీని నిర్మిస్తున్నారు. ఈ చిత్రానికి నెల్సన్ దిలీప్ కుమార్ దర్శకత్వం (Director Nelson dileep kumar) వహించారు. మూవీ ఫస్ట్ లుక్ పోస్టర్ సినిమాపై అంచనాలను పెంచేసింది. అలాగే తమన్నా(Tamannah) ‘నువ్వు కావాలయ్యా’ అంటూ సాగే సాంగ్ ప్రోమో కూడా అందర్నీ ఆకట్టుకుంది.
తాజాగా ఈ సినిమా నుంచి తమన్నా(Tamannah) సాంగ్‌ను విడుదల చేశారు. ఈ ఫుల్ సాంగ్ ప్రేక్షకుల్లో మరింత జోష్‌ను పెంచింది. ‘రా..దాచుంచారా పరువాలన్నీ, రాబరీకి రావే రావే, రా అందిస్తారా అందాలన్నీ.. ఎప్పటికీ నీవే నీవే, రా.. నువ్వు కావాలయ్యా నువ్వు కావాలయ్యా ‘ అంటూ ఈ పాట సాగుతుంది. ఈ రొమాంటిక్ సాంగ్‌ను రజనీ కాంత్, తమన్నా బృందంపై ప్రత్యేక సెట్‌లో షూట్ చేశారు. జానీ మాస్టర్ ఈ పాటను కంపోజ్ చేశారు. ఇందులో తమన్నా డాన్స్ అందర్నీ ఆకట్టుకుంటోంది.
చదవండి: DJ Tillu 2: ‘టిల్లు స్క్వైర్’ నుంచి ఫుల్ సాంగ్ రిలీజ్
మ్యూజిక్ డైరెక్టర్ అనిరుధ్ (Anirudh) ఈ పాటను స్వరపరిచారు. సాయికిరణ్ సాహిత్యాన్ని అందించగా సింధుజా శ్రీనివాసన్ పాడారు. పాటలో రజనీ (Rajanikanth) మరింత స్టైల్‌గా కనిపిస్తుంటే ఆయన పక్క తమన్నా (Tamannah) గ్లామరస్ డ్యాన్స్ వేసింది. ఈ పాటకు థియేటర్లో మాస్ ఆడియన్స్ పక్కాగా డ్యాన్స్ వేస్తారని మేకర్స్ తెలిపారు. జైలర్ మూవీ భారీతారాగణంతో రూపొందుతోంది. ఆగస్టు 10వ తేదీన ఈ సినిమాను విడుదల చేయనున్నారు.
