ప్రస్తుతం పాన్ ఇండియా స్టార్ ప్రభాస్ చేతిలో ఉన్న సినిమాలు చూస్తుంటే.. ఇప్పట్లో మరో హీరో ఈ కటౌట్‌ని అందుకోవడం కష్టమే. బాహుబలి తర్వాత బ్యాక్ టు బ్యాక్ ఫ్లాప్స్ పడినా.. ప్రభాస్ ఇమేజ్ ఏ మాత్రం డ్యామేజ్ కాలేదు కదా.. డార్లింగ్ క్రేజ్ రోజు రోజుకి పెరిగిపోతోంది. అయితే సాహో, రాధే శ్యామ్ సినిమాల్లో ప్రభాస్ లుక్ పై కొన్ని బ్యాడ్ కామెంట్స్ వినిపించాయి. బొద్దుగా ఉన్నాడని, ఫేస్‌లో గ్లో మిస్ అయిందని.. రకరకాల కామెంట్స్ చేశారు. కానీ ప్రభాస్ ప్రజెంట్ లుక్ చూస్తే.. ఏంది మావా ఏ మేకోవర్ అనిపించకమానదు. ఈ మధ్య ఎక్కడికెళ్లినా హెడ్ స్కార్ఫ్ కట్టుకొనే కనిపిస్తున్నాడు ప్రభాస్. అయితే బాలయ్య అన్‌స్టాపబుల్‌ షోలో మాత్రం ఫుల్ హెయిర్‌తో కనిపించాడు. అయినా కూడా ప్రభాస్ ఫ్యాన్స్ సాటిస్ఫై అవలేదు. అయితే తాజాగా బయటకొచ్చిన ప్రభాస్ ఫోటో చూసి.. పండగ చేసుకుంటున్నారు. ప్రభాస్ తన ఫ్యాన్స్‌తో కలిసి దిగిన కొన్ని ఫోటోస్ సోషల్ మీడియాలో వైరల్ అవుతున్నాయి. ఇందులో ప్రభాస్ సింప్లీ సూపర్బ్‌గా,ఫ్రెష్‌గా కనిపిస్తున్నాడు. ప్రస్తుతం ఈ ఫోటోలు సోషల్ మీడియాను షేక్ చేస్తున్నాయి. ఇది కదా అసలైన పాన్ ఇండియా కటౌట్.. అంటూ కాంప్లిమెంట్స్ ఇస్తున్నారు. అంతేకాదు.. అన్న ఇదే లుక్‌ను మెయింటేన్ చేయి.. అని కామెంట్ చేస్తున్నారు. అయితే ప్రభాస్ హ్యాపీగా కనిపిచడడంతో.. జ్వరంతో ఇబ్బంది పడుతున్నాడనే వార్తలను కొట్టేసినట్టైంది. మొత్తంగా ప్రభాస్ నయా లుక్ మాత్రం నిజంగానే అదిరిపోయిందనే చెప్పాలి. ఇక ప్రభాస్ సినిమాల విషయానికొస్తే.. సలార్, ఆదిపురుష్ ఈ ఏడాదిలో రిలీజ్ అయ్యేందుకు రెడీ అవుతున్నాయి. నెక్స్ట్ ఇయర్‌లో ప్రాజెక్ట్ కె, మారుతి సినిమాలు ఆడియెన్స్ ముందుకొచ్చే ఛాన్స్ ఉంది.
