ఆ సమయంలోనూ.. ప్రభాస్ చేసిన పనికి అందరూ ఫిదా..!

కుటుంబసభ్యులు ఎవరైనా చనిపోతే ఆ ఇంట్లోని వారంతా బాధలో ఉంటారు. నిజానికి ఆ సమయంలో వారు ఏ విషయం గురించి కూడా ఆలోచించరు. ఆ బాధలో ఉంటారు. అయితే.. లోపల ఎంత బాధ ఉన్నా… హీరో ప్రభాస్ మాత్రం.. తన పెదనాన్న పార్థివ దేహాన్ని చూడటానికి వచ్చిన అభిమానులను మర్చిపోలేదు. తమ కుటుంబ అతిథి మర్యాదలను మర్చిపోలేదు.

కృష్ణంరాజు అంతిమయాత్రకు హాజరైన అభిమానుల కోసం ప్రభాస్ భోజనాలు ఏర్పాటు చేయించాడు. దీంతో అక్కడికి వచ్చిన అభిమానులందరినీ భోజనం చేసి వెళ్లమని కోరాడు. అయితే ఈ విషయాన్ని ప్రస్తుతం సోషల్ మీడియాలో షేర్ చేస్తూ ప్రభాస్ అభిమానులతో మాట్లాడుతున్న వీడియోని షేర్ చేశారు. పెదనాన్న పోయిన బాధలో ఉన్న ప్రభాస్ అంతటి బాధలో కూడా తన అభిమానుల గురించి ఆలోచించటంతో ప్రభాస్ మీద ప్రశంసలు కురిపిస్తున్నారు. ప్రభాస్ తన అభిమానులతో మాట్లాడుతున్న వీడియో ప్రస్తుతం సోషల్ మీడియాలో వైరల్ గా మారింది

ప్రభాస్ ఎప్పుడు అందరికీ కడుపునిండా భోజనం పెడుతూ ఉంటాడు. షూటింగ్ సమయంలో కూడా తన ఇంటి నుండి భోజనం తెప్పించి మరి సెట్ లో ఉన్న అందరికీ రుచికరమైన భోజనాలు వడ్డిస్తాడు. అయితే ఈ అలవాటును కృష్ణంరాజు నుండి ప్రభాస్ నేర్చుకున్నాడు. కృష్ణంరాజు కూడా ఎప్పుడు తన ఇంటికి వచ్చిన వారికి అతిధి మర్యాదలు చేసి కడుపునిండా భోజనం పెట్టి పంపుతుంటాడు. దీంతో కృష్ణంరాజు పేరు మర్యాద రామన్నగా మారిపోయింది. ఇలా ప్రభాస్ కూడా తన పెదనాన్న లాగే ఆలోచించడంతో అందరూ ఈయనపై ప్రశంసల కురిపిస్తున్నారు.