Pooja Hegde affair with cricketer? Trivikram another chance?
Pooja Hegde: ఇప్పటి వరకు పూజా హెగ్డే ఫలానా హీరోతో డేటింగ్‌లో ఉంది, ఫలానా వారితో ప్రేమాయణం నడుపుతుంది.. అనే రూమర్స్ తక్కువ. ఆ మధ్య సల్మాన్ ఖాన్‌తో ఓ సినిమా చేయడంతో.. అతినితో పూజా హెగ్డే డేటింగ్ చేస్తుంది అంటూ వార్తలొచ్చాయి. అందులో నిజం లేదని తేలిపోయింది. ఇక ఇప్పుడు బుట్టబొమ్మ ఓ క్రికెటర్‌తో ప్రేమలో ఉందనే న్యూస్ వైరల్‌గా మారింది. అంతేకాదు త్వరలోనే పెళ్లి పీటలెక్కబోతుందనే పుకార్లు షికార్లు చేస్తున్నాయి. అయితే ఆ క్రికెటర్ ఎవరు? అతనితో ఎప్పటి నుంచి డేటింగ్‌లో ఉంది? అనే విషయాలు మాత్రం ఎవ్వరికి తెలియదు.
చదవండి: Double Ismartకి హీరోయిన్లు ఫిక్స్…!
పూజా హెగ్డేకు మాటల మాంత్రికుడు త్రివిక్రమ్ శ్రీనివాస్ మరో ఛాన్స్ ఇచ్చినట్టుగా తెలుస్తోంది. త్రివిక్రమ్ చేసిన అరవింద సమేత, అల వైకుంఠపురంలో సినిమాల్లో హీరోయిన్‌గా నటించిన పూజా హెగ్డేను ‘మహేష్ బాబు ‘గుంటూరు కారం’ సినిమాలోను తీసుకున్నాడు. ఆమె పై చాలా సీన్స్ కూడా షూట్ చేశారు. ఏమైందో ఏమో గానీ మధ్యలోనే ఈ ప్రాజెక్ట్ నుంచి అవుట్ అయింది పూజా. అందుకే.. మరోసారి అమ్మడికి ఛాన్స్ ఇచ్చినట్టుగా తెలుస్తోంది. గుంటూరు కారం తర్వాత అల్లు అర్జున్‌తో పాన్ ఇండియా సినిమా అనౌన్స్ చేశాడు త్రివిక్రమ్.
ఇటు గుంటూరు కారం, అటు పుష్ప-2 అయిపోగానే బన్నీ, త్రివిక్రమ్ ప్రాజెక్ట్ సెట్స్ పైకి వెళ్లనుంది. సినిమాలో పూజా హెగ్డేను హీరోయిన్‌గా ఫైనల్ చేసినట్టుగా తెలుస్తోంది. గుంటూరు కారంలో ఛాన్స్ మిస్ అయినందుకే.. పూజకు త్రివిక్రమ్ ఈ పాన్ ఇండియా ఆఫర్ ఇస్తున్నట్టు తెలుస్తోంది. త్వరలో దీనిపై క్లారిటీ రానుందని అంటున్నారు.
