విభిన్న కథాంశాలతో కోలీవుడ్(Kollywood) హీరోయిన్ ఆండ్రియా(Andrea) సినిమాలు చేస్తూ ఉంటుంది. కోలీవుడ్ లోనే కాకుండా టాలీవుడ్(Tollywood) లోనూ ఆండ్రియాకి ప్రత్యేకమైన క్రేజ్ ఉంది. ఈ ముద్దుగుమ్మ సస్పెన్స్ థ్రిల్లర్, యాక్షన్ థ్రిల్లర్ వంటి సినిమాల్లో ఎక్కువ కనిపించేందుకు ఆసక్తి చూపుతుంటుంది. ఆమె సినిమాలు ఆసక్తిని రేపేలా ఉంటాయి. తాజాగా ఆమె నటించిన కొత్త సినిమా రిలీజ్ అవ్వడానికి సన్నద్ధమవుతోంది. ఆండ్రియా(Andrea) తమిళంలో చేసిన సినిమా త్వరలో తెలుగులో కూడా రిలీజ్ కానుంది. ‘నో ఎంట్రీ'(No Entry) అనే టైటిల్ తో సాగే ఆ సినిమాపై అంచనాలు ఉన్నాయి.
ఆండ్రియా(Andrea) నటించిన నో ఎంట్రీ సినిమా శ్రీధర్ నిర్మించారు. ఈ మూవీకి అలుగు కార్తీక్ దర్శకత్వం వహించాడు. అజేశ్ బ్యాక్ గ్రౌండ్ స్కోర్ ఈ సినిమాకు ప్లస్ కానుంది. ఈ సినిమాకు సంబంధించిన ట్రైలర్ ను చిత్ర యూనిట్ రిలీజ్(Trailer Release) చేసింది. ట్రైలర్ చూస్తుంటే ఈ సినిమా ఫారెస్ట్ నేపథ్యంలో సాగే కథ అని తెలుస్తోంది. అడవి కుక్కలకు సంబంధించిన కథాంశంతో ఈ సినిమా తెరకెక్కినట్లు తెలుస్తోంది.
చదవండి: Dhanush: తల్లిదండ్రులకు అదిరిపోయే గిఫ్ట్‌ ఇచ్చిన ధనుష్‌
ఒక సైంటిస్ట్(Scientist) అడవి కుక్కలపై పరిశోధన చేస్తుంటాడు. ఆ కుక్కలు కరిచిన కొద్ది సేపటికే మనుషులు ఆ కుక్కల మాదిరి ప్రవర్తిస్తుంటారు. ఆ ఫారెస్టుకు వెళ్లిన ఓ శాస్త్రవేత్త కనిపించకుండా పోతాడు. అతని ఆచూకీ తెలుసుకోవడం కోసం ఆ సైంటిస్ట్ కూతురు అడవికి బయల్దేరుతుంది. తన టీమ్ తో కలిసి అక్కడికెళ్లిన అమ్మాయి చివరికి ఆ అడవి నుంచి అడవి కుక్కల నుంచి ఎలా బయటపడిందనేది కథ. మొత్తానికి ఆండ్రియా(Andrea) మరో క్రైమ్ థ్రిల్లర్(Crime Thriller) సినిమాతో ప్రేక్షకుల ముందుకు వస్తోంది. ఈ సినిమా విడుదల తేదీని త్వరలోనే చిత్ర యూనిట్ వెల్లడించనుంది.
