ప్రస్తుతం ఎన్టీఆర్ 30 సెట్స్ పై ఉంది.. ఇప్పటికే ఓ యాక్షన్ షెడ్యూల్ కంప్లీట్ చేసుకుంది. ఫస్ట్ షెడ్యూల్‌లో హాలీవుడ్ యాక్షన్ మాస్టర్స్‌తో భారీ ఫైట్ షూట్ చేశారు. ఈ సినిమాను సముద్రం బ్యాక్ డ్రాప్‌లో హై ఓల్టేజ్ యాక్షన్ ఎంటర్టైనర్‌గా.. ఈ సినిమాను తెరకెక్కిస్తున్నాడు కొరటాల శివ. తన సినిమాలో మృగాల వేట మామూలుగా ఉండదని ఓపెనింగ్ రోజే చెప్పేశాడు కొరటాల. అప్పటి నుంచి ఈ సినిమా అప్డేట్స్ కోసం ఈగర్‌గా వెయిట్ చేస్తున్నారు నందమూరి అభిమానులు. మే 20న ఎన్టీఆర్ బర్త్ డే ఉంది. ఆ రోజు ఎన్టీఆర్ 30 నుంచి టైటిల్ అండ్ ఫస్ట్ లుక్ వచ్చే ఛాన్స్ ఉందంటున్నారు. కానీ ఈలోపే ఎన్టీఆర్ 30కి లీకులు మొదలైపోయాయి. తాజాగా ఎన్టీఆర్‌కు సంబందించిన కొన్ని ఆన్ లోకేషన్స్ పిక్స్ సోషల్ మీడియాలో లీక్ అయ్యాయి. ఇందులో ఎన్టీఆర్ కలర్ ఫుల్ డ్రెస్‌లో.. అదిరిపోయే అవుట్ ఫిట్‌తో కనిపిస్తున్నాడు. ఇందులో ఎవరితోనే ఎన్టీఆర్ సీరియస్‌గా మాట్లాడుతున్నట్టు కనిపిస్తోంది. ఈ ఫోటో ఇలా లీక్ అయిందో లేదో.. సోషల్ మీడియాను షేక్ చేసేసింది. ఈ విషయంలో ఎన్టీఆర్.. చిత్ర యూనిట్ పై చాలా సీరియస్ అయినట్లుగా తెలుస్తోంది. కొరటాల శివ కూడా ఫైర్ అవుతున్నాడట. ప్రస్తుతం ఎవరు లీక్ చేశారని ఆరా తీసే పనిలో ఉన్నారట. మున్ముందు మళ్లీ ఇలాంటి సీన్స్ రిపీట్ అవకుండా కఠినమైన చర్యలు తీసుకోవాలనుకుంటున్నారట. ఫ్యాన్స్ కూడా ఇలాంటివి జరగకుండా చూడాలని మేకర్స్‌ను కోరుతున్నారు. కానీ ఇప్పటికే ఈ ఫోటోలు సోషల్ మీడియాలో వైరల్ అయిపోయాయి. అయితే ఎన్టీఆర్ లీక్డ్ లుక్ చూస్తుంటే.. కొరటాల శివ ఈ సినిమాతో ఏదో పెద్దగానే ప్లాన్ చేస్తున్నట్టు కనిపిస్తోంది. ఏదేమైనా.. చేతిలో స్మార్ట్ ఫోన్ వచ్చాక లీకుల్ని ఆపడం మేకర్స్‌కు సవాల్‌గా మారింది. మరి మున్ముందు ఎన్టీఆర్ 30 ఎలాంటి జాగ్రత్తలు తీసుకుంటుందో చూడాలి.
