కాంతార సినిమాకు ముందు.. కన్నడలో రిషబ్ శెట్టి అనే హీరో ఒకడున్నాడని అనుకునే వారు. కానీ కాంతరా చూసిన తర్వాత తెలుగు హీరోల ఫీల్ అయ్యారు మనోళ్లు. అంతేకాదు ఏకంగా పాన్ ఇండియా హీరో అయిపోయాడు రిషబ్. అంతలా ఆడియెన్స్ పై ఇంపాక్ట్ చూపించింది కాంతారా మూవీ. కెజియఫ్ నిర్మించిన హోంబలే ఫిల్మ్స్ వారు కాంతార సినిమాను నిర్మించారు. తానే హీరోగా నటించి.. దర్శకత్వం వహించాడు రిషబ్ శెట్టి. ముందుగా కన్నడలో సత్తా చాటిన ఈ సినిమా.. మెల్లిగా పాన్ ఇండియా లెవల్లో బాక్సాఫీస్‌ను షేక్ చేసేసింది. జస్ట్ 16 కోట్లతో తెరకెక్కిన ఈ సినిమా.. ఏకంగా 400 కోట్లు రాబట్టింది. ఈ సినిమాతో రిషబ్‌కు భారీ క్రేజ్ వచ్చింది. ఇదే ఊపులో కాంతార్ 2 ప్రకటించేశాడు. ఈ సినిమాను భారీ బడ్జెట్‌తో ఎంతో ప్రతిష్టాత్మకంగా తెరకెక్కించబోతున్నారు. ప్రస్తుతం స్క్రిప్టు పనులతో బిజీగా ఉన్నాడు రిషబ్. అయితే ఈ సినిమా కోసం ఏకంగా వంద కోట్ల పారితోషికం అందుకోబోతున్నాడట రిషబ్. కాంతార కోసం దాదాపు 5 కోట్ల వరకు రెమ్యునరేషన్ అందుకున్నాడట రిషబ్. కానీ కాంతార భారీ లాభాలు తెచ్చి పెట్టడంతో.. భారీగా డిమాండ్ చేస్తున్నట్టు తెలుస్తోంది. హీరో కమ్ డైరెక్టర్ తనే కావడంతో.. 50 కోట్ల రెమ్యునరేషన్‌తో పాటు.. మరో 50 కోట్లు బిజినెస్‌లో వాటా తీసుకోబోతున్నాడట. మొత్తంగా రిషబ్ శెట్టి ఈ క్రేజీ సీక్వెల్ కోసం 100 కోట్లు అందుకోబోతున్నాడనేది ఇప్పడు హాట్ టాపిక్‌గా మారింది. ఇప్పటికే కాంతారా 2 పై అంచనాలు భారీగా పెరిగిపోయాయి. అందుకు తగ్గట్టే ఈ సినిమాను ప్లాన్ చేస్తున్నాడు రిషబ్ శెట్టి. మరి కాంతార2 ఎలాంటి వండర్స్ క్రియేట్ చేస్తుందో చూడాలి.
