kama-hasan-look-from-indian-2-is-similar-to-the-movie-bhartiyudu
Kama Hasan: ఉలగనాయగన్ కమల్ హాసన్ సినిమా ప్రస్థానంలో ఓ మైల్ స్టోన్ భారతీయుడు సినిమా. 1996లో శంకర్ దర్శకత్వంలో వచ్చిన ఈ చిత్రం ఓ సంచలనం. అప్పట్లోనే అటు తమిళ్, ఇటు తెలుగు ప్రేక్షకులను ఉర్రుతలూగించింది. ఇన్ని సంవత్సరాల తరువాత మళ్లీ భారతీయుడు సినిమాకు సీక్వెల్‌గా ఇండియన్ 2 ను తెరకెక్కిస్తున్నారు. శంకర్ దర్శకత్వంలో లైకా ప్రొడక్షన్ అత్యంత భారీ బడ్జెట్‌తో నిర్మిస్తున్న ఈ చిత్రం ప్రస్తుతం పోస్ట్ ప్రొడక్షన్ పనులు సైతం షర వేగంగా జరగుతున్నాయి. తాజాగా మూవీ టీమ్ ఓ పోస్టర్‌ను లాంచ్ చేశారు.
చదవండి:Mrunal Thakur: మృణాల్‌కు ఫస్ట్ దెబ్బ.. హ్యాట్రిక్ మిస్?
జూన్ నెల‌లో విడుదల చేసేందుకు మేకర్స్ సన్నాహాలు చేస్తున్నట్లు తెలుస్తుంది. ఈ నేపథ్యంలో రిలీజ్ పోస్టర్‌ను విడుదల చేశారు. తెల్ల‌టి ధోతి, కుర్తాలో దర్శనం ఇచ్చిన కమల్ హాసన్ చేతికి బేడీలు ఉన్నాయి. జీరో టాలరెన్స్ అనే క్యాప్షన్‌తో అంటే తప్పును అస్సులు భరించలేడు అనేది ట్యాగ్ లైన్‌గా ఉంది. తాజా పోస్టర్ మంచి బజ్ క్రియేట్ చేసింది. అభిమానులు పండుగ చేసుకుంటున్నారు. సీరియ‌స్‌, ఇన్‌టెన్స్ లుక్‌లో క‌నిపిస్తున్నారు కమల్ హాసన్. ఈ చిత్రంలో సిద్ధార్థ్‌, కాజ‌ల్ అగ‌ర్వాల్‌, ర‌కుల్ ప్రీత్ సింగ్, ప్రియా భ‌వానీ శంకర్, ఎస్‌.జె.సూర్య, బాబీ సింహ త‌దిత‌రులు ఇత‌ర కీల‌క పాత్ర‌ల్లో న‌టిస్తున్నారు. ఈ చిత్రానికి అనిరుధ్ ర‌విచందర్ సంగీతాన్ని అందిస్తున్నారు.
చదవండి:Sai Pallavi: సాయిప‌ల్ల‌వి డిమాండ్ చేయకుండానే 10 కోట్లా?
