కళ్యాణ్ రామ్ లేటెస్ట్ ఫిల్మ్ ‘అమిగోస్’ ముందే నుంచే పాజిటివ్ బజ్ సొంతం చేసుకుంది. ట్రైలర్ చూసిన తర్వాత ఎక్స్‌పెక్టేషన్స్ పెరిగిపోయాయి. బింబిసార బ్లాక్ బస్టర్ ఎఫెక్ట్.. అమిగోస్‌కు మరింతగా కలిసి రానుంది. పైగా మైత్రి మూవీ మేకర్స్ హిట్ జోష్‌లో ఉన్నారు. సంక్రాంతికి వచ్చిన వాల్తేరు వీరయ్య, వీరసింహారెడ్డి బాక్సాఫీస్ దగ్గర దుమ్ముదులిపేశాయి. దాంతో అమిగోస్‌తో హ్యాట్రిక్ కొట్టేయడం పక్కా అంటున్నారు. రాజేంద్ర రెడ్డి దర్శకత్వం వహించిన ఈ సినిమా.. డాపుల్ గ్యాంగర్ అనే కొత్త కాన్సెప్ట్‌తో ఆడియెన్స్ ముందుకి వస్తోంది. ఆషికా రంగనాథ్ హీరోయిన్‌గా నటించింది. ఇప్పటికే ‘ఎన్నో రాత్రులొస్తాయి’ రీమిక్స్‌ సాంగ్‌లో కళ్యాణ్ రామ్, ఆషిక జోడి చూసి.. కెమిస్ట్రీ అదిరిపోయిందంటున్నారు నెటిజన్స్. అలాగే కళ్యాణ్ రామ్ ట్రిపుల్ రోల్ సినిమాకు హైలెట్ అంటున్నారు. ఇలా మొత్తగా అమిగోస్ పై మంచి బజ్ క్రియేట్ అయింది. ఒకవేళ సినిమాకు హిట్ టాక్ వస్తే మాత్రం.. మౌత్‌ టాక్‌తో భారీ లాభాలు తెచ్చి పెడుతుందనడంలో ఎలాంటి సందేహం లేదు. అమిగోస్ బాక్సాఫీస్ టార్గెట్ కూడా తక్కువే ఉంది. తెలుగు రాష్ట్రాల్లో ఈ సినిమాకు 9 కోట్లకు పైగా ప్రీ రిలీజ్ బిజినెస్ జ‌రిగినట్టు తెలుస్తోంది. మొత్తంగా వ‌ర‌ల్డ్ వైడ్‌గా 11.30 కోట్లకు అమిగోస్ థియేట్రిక‌ల్ రైట్స్ అమ్ముడుపోయినట్టు టాక్. దీంతో అమిగోస్ బ్రేక్ ఈవెన్ అవాలంటే.. 12 కోట్లు రాబట్టాల్సి ఉంటుంది. ఇక.. ప్రపంచవ్యాప్తంగా ఈ సినిమాను 742కు పైగా థియేటర్లలో రిలీజ్ అవుతున్నట్టు తెలుస్తోంది. కాస్త ముందుగానే ఓవర్సీస్‌లో ప్రీమియర్స్ స్టార్ట్ అవనున్నాయి. మరి అమిగోస్‌తో కళ్యాణ్ రామ్ ఎలాంటి రిజల్ట్ అందుకుంటాడో చూడాలి.
