Janhvi Kapoor with NTR in Devara shoot in Goa
Janhvi Kapoorఫ జనతా గ్యారేజ్ కాంబినేషన్‌ను రిపీట్ చేస్తూ.. ఈసారి భారీ పాన్ ఇండియా ప్రాజెక్ట్ చేస్తున్నారు ఎన్టీఆర్, కొరటాల శివ. భారీ బడ్జెట్‌తో తెరకెక్కుతున్న ఈ మూవీ రెండు పార్టులుగా విడుదల కానుంది. దేవర పార్టు 1 అక్టోబర్‌ 10న గ్రాండ్‌గా విడుదల కానుంది. ప్రస్తుతం ఈ సినిమా షూటింగ్‌ గోవాలో జరుగుతోంది. అక్కడ ఓ సాంగ్‌తో పాటు కొన్ని కీలక యాక్షన్స్ సీక్వెన్స్ తెరకెక్కిస్తున్నారు. అందుకు సంబంధించిన వర్కింగ్ స్టిల్‌ను రిలీజ్ చేయగా.. అదిరిపోయే లుక్‌లో ఉన్నాడు యంగ్ టైగర్. అలాగే.. సముద్రంలో ఎన్టీఆర్ నడుచుకుంటూ వస్తున్న లీకేజీ వీడియో సోషల్ మీడియాను షేక్ చేసింది.
చదవండి:Ram Charan: రామ్ చరణ్ గేమ్ ఛేంజర్ నుంచి సాలిడ్ అప్డేట్
ఇక లేటెస్ట్‌గా హీరోయిన్ జాన్వీకపూర్ గోవా షెడ్యూల్‌లో జాయిన్ అయింది. ఈ విషయాన్ని ఇన్‌స్టాగ్రామ్‌ స్టోరీ ద్వారా షేర్ చేసుకుంది జాన్వీ. కొన్ని రోజుల పాటు జరుగనున్న ఈ చిత్రీకరణలో తారక్‌, జాన్వీకపూర్ మధ్య వచ్చే కీలక సన్నివేశాలతో పాటు ఓ సాంగ్ కూడా షూట్ చేయనున్నారట. ఈ సినిమాలో జాన్వీకపూర్ తంగం అనే పాత్రలో నటిస్తోంది. ఇప్పటికే తంగం లుక్ రివీల్ చేయగా.. పల్లెటూరి అమ్మాయిగా అదిరిపోయింది జాన్వీ. దీంతో దేవర, తంగం పెయిర్ కోసం వెయిట్ చేస్తున్నారు నందమూరి అభిమానులు. ఇక ఈ సినిమాలో సైఫ్‌ అలీఖాన్‌ భైర పాత్రలో వినల్‌గా నటిస్తుండగా.. కోలీవుడ్ యంగ్ సెన్సేషన్ అనిరుధ్ మ్యూజిక్ అందిస్తున్నాడు. ఎన్టీఆర్ ఆర్ట్స్, యువ‌సుధ ఆర్ట్స్ బ్యానర్లపై భారీ బడ్జెట్‌తో దేవర తెరకెక్కుతోంది. మరి దేవర ఎలా ఉంటుందో చూడాలి.
చదవండి:Allu Arjun: అరుదైన గౌరవం.. దుబాయ్ ఫ్లైట్ ఎక్కిన అల్లు అర్జున్!
