టాలీవుడ్‌(Tollywood)లో పీపుల్ మీడియా ఫ్యాక్టరీ నిర్మిస్తున్న తాజా చిత్రం బ్రో(BRO Movie). ఈ మూవీలో పవర్ స్టార్ పవన్ కళ్యాణ్(Pawan Kalyan), సుప్రీమ్ హీరో సాయిధరమ్ తేజ్(saidharam Tej) నటిస్తున్నారు. జీ స్టూడియోస్ ఈ సినిమా నిర్మాణంలో భాగం పంచుకుంది. విలక్షణ నటుడు సముద్రఖని(samudrakhani) ఈ సినిమాకు దర్శకత్వం వహిస్తున్నారు. ఈ చిత్రానికి త్రివిక్రమ్(Trivikram) స్క్రీన్ ప్లే, డైలాగ్స్ రాశారు. జులై 28వ తేదిన ఈ సినిమా థియేటర్లలో విడుదల కానుంది. బ్రో మూవీకి సంబంధించి ఇప్పటికే ‘మై డియర్ మార్కండేయ’ సాంగ్ రిలీజ్ అయ్యింది. ఆ పాటకు మంచి రెస్పాన్స్ వచ్చింది.
బ్రో మూవీ నుంచి విడుదలైన రెండవ పాట:
తాజాగా బ్రో మూవీ(BRO Movie) నుంచి సెకండ్ సింగిల్ జాణవులేను మేకర్స్ రిలీజ్ చేశారు. ఈ సినిమాకు ఎస్ థమన్ సంగీతం అందిస్తున్నారు. కె.ప్రణతి ఈ పాట పాడగా కాసర్ల శ్యామ్ సాహిత్యం అందించారు. తిరుపతిలో అభిమానుల మధ్య జాణవులే సాంగ్ విడుదల కార్యక్రమం జరిగింది. సాయిధరమ్ తేజ్, సముద్రఖని, నిర్మాత ఎన్.వి. ప్రసాద్ పాల్గొన్నారు.
చదవండి: Gunturkaram Movie: గుంటూరు కారంలో కబడ్డీ సీక్వెన్స్..?
సాయి ధరమ్ తేజ్ మాట్లాడుతూ..తన గురువు, మేనమామ, పవర్ స్టార్ పవన్ కళ్యాణ్ ప్రేమ, ఆశీస్సులు తనపై ఎల్లప్పుడూ ఉంటాయన్నారు. ఆయనతో కలిసి నటించే అవకాశం రావడం అదృష్టంగా భావిస్తున్నట్లు తెలిపారు. రోడ్డు ప్రయాణాలు చేసేటప్పుడు జాగ్రత్తగా ఉండాలని సూచించాడు. జులై 28న థియేటర్లలో గోల చేయడానికి సిద్ధంగా ఉండండంటూ అభిమానులను ఉత్సాహపరిచారు.
చదవండి: Amarnath Yatra: అమర్‌నాథ్ యాత్రలో సాయిపల్లవి.. పోస్ట్ వైరల్
సముద్రఖని మాట్లాడుతూ..సాయి ధరమ్ తేజ్ తో కలిసి పని చేయడం ఆనందంగా ఉందన్నారు. పవన్ కళ్యాణ్‌కి అభిమానుల సమక్షంలో థ్యాంక్స్ చెప్పారు. బ్రో మూవీ(BRO Movie)లో పవన్ దేవుడిలా దిగి వస్తారన్నారు. త్రివిక్రమ్‌కి, నిర్మాతలు విశ్వప్రసాద్, వివేక్‌కి ధన్యవాదాలు తెలిపారు. జాణవులే పాట సాయి ధరమ్ తేజ్, కేతిక శర్మపై చిత్రీకరించారు. ఈ పాట అందర్నీ ఆకట్టుకుంటోంది.
చదవండి: Vishwak Sen: ఓటిటి బాట పట్టిన విశ్వక్ సేన్?
రచన, దర్శకత్వం: పి. సముద్రఖని
స్క్రీన్ ప్లే, డైలాగ్స్: త్రివిక్రమ్
బ్యానర్స్: పీపుల్ మీడియా ఫ్యాక్టరీ, జీ స్టూడియోస్
నిర్మాత: టి.జి. విశ్వప్రసాద్
సహ నిర్మాత: వివేక్ కూచిభొట్ల
డీఓపీ: సుజిత్ వాసుదేవ్
సంగీతం: ఎస్.ఎస్. థమన్
ఆర్ట్: ఏ.ఎస్. ప్రకాష్
ఎడిటర్: నవీన్ నూలి
ఫైట్స్: సెల్వ
వీఎఫ్ఎక్స్ సూపర్‌వైజర్: నిఖిల్ కోడూరి
ఎగ్జిక్యూటివ్ ప్రొడ్యూసర్: ఎస్. వెంకటరత్నం
కో-డైరెక్టర్: బి. చిన్ని
పీఆర్ఓ: లక్ష్మీ వేణుగోపాల్
