కెరీర్ స్టార్టింగ్ నుంచి వైవిధ్య‌మైన చిత్రాల‌తో అలరిస్తున్నాడు విశ్వక్ సేన్(Vishwak Sen). టైర్ 2 హీరోల్లో త‌న‌దైన బ్రాండ్ క్రియేట్ చేసుకున్నాడు మాస్ కా దాస్. ‘అశోకవనంలో అర్జున కళ్యాణం’, ‘ఓరి దేవుడా’ వంటి సినిమాలతో బ్యాక్ టు బ్యాక్ హిట్స్ అందుకున్న విశ్వక్.. చివరగా ధమ్కీ సినిమాతో సాలిడ్ హిట్ అందుకున్నాడు. పాన్ ఇండియా స్థాయిలో విశ్వక్ కెరీర్లోనే ది బెస్ట్‌గా నిలిచింది ఈ సినిమా. ప్రస్తుతం వరుస ప్రాజెక్ట్స్ చేస్తున్న ఈ యంగ్ హీరో.. ఓటిటి(Ott)లోను అడుగు పెట్టేందుకు రెడీ అవుతున్నాడు. నందమూరి నటసింహం బాలయ్య నెక్ట్స్ లెవల్‌కి తీసుకెళ్లిన ఆహా(aha) ఓటిటిలోకి విశ్వక్ సేన్ ఎంట్రీ ఇవ్వబోతున్నాడు.. అనే వార్త సోషల్ మీడియాలో వైరల్ అవుతోంది.
ఇప్పటికే బ్లాక్ బ‌స్ట‌ర్ సినిమాలు, వెబ్ సిరీస్‌లు, స్పెష‌ల్ టాక్ షోస్‌, రియాలిటీ షోస్‌తో అలరిస్తోంది ఆహా. అందులో భాగంగా ఇప్పుడు మరో కొత్త షో ప్లాన్ చేస్తున్నారు. ఇప్ప‌టి వ‌ర‌కు విశ్వక్ సేన్‌ను చూడ‌ని విధంగా.. ఆహా(aha) కొత్త షో రెడీ చేస్తోందట. ఈ ఎంటర్టైనింగ్ షో ని 15 ఎపిసోడ్స్ గా సిద్ధం చేస్తున్నారని.. త్వ‌ర‌లోనే దీనికి సంబంధించిన అధికారిక ప్ర‌క‌ట‌న వెలువ‌డ‌నున్నట్టు తెలుస్తోంది. దీంతో మాస్ కా దాస్ ఎంటర్టైన్మెంట్ ఎలా ఉంటుందో ఓసారి ఊహించుకోవచ్చు. ఇకపోతే.. బాలయ్యతో అన్‌స్టాపబుల్ సీజన్ 3 కూడా ప్లాన్ చేస్తున్నారు ఆహా వారు. ఇక ఇప్పుడు యంగ్ హీరోతో షో అంటే.. ఖచ్చితంగా హిట్టయ్యే ఛాన్స్ ఉంది. మరి డిజిటల్ ఎంట్రీ మాస్ కా దాస్‌కి ఎలా కలిసి వస్తుందో చూడాలి.
