Jailer hit.. Swamiji predicted!
Rajni: దాదాపు రెండేళ్ల తర్వాత రజనీకాంత్ నుంచి వస్తున్న సినిమా కావడంతో ఆగష్టు 10వ తేదీన ‘జైలర్’ రిలీజ్ సందర్భంగా.. డ్యాన్సులు వేస్తూ, టపాసులు కాలుస్తూ పండగలా సెలబ్రేట్ చేసుకున్నారు అభిమానులు. పాలాభిషేకాలతో కటౌట్లు, పూలవర్షంతో థియేటర్లు నిండిపోయాయి. ఒక్క ఇండియాలోనే కాదు.. అమెరికా, కెనడా, జపాన్ దేశాల్లో రజనీ ఫ్యాన్స్ రచ్చ చేశారు. ఇక ఈ సినిమా చూసిన తర్వాత మాటల్లేవ్.. ఇక బాక్సాఫీస్ రికార్డులే అంటూ దూసుకుపోతోంది జైలర్. ఒక సూపర్ స్టార్ అభిమానిగా.. డైరెక్టర్ నెల్సన్ ఇచ్చిన ఎలివేషన్ మామూలుగా లేదు. అది కూడా కంటెంట్‌తో రజనీ కటౌట్‌కి ఇచ్చిన ఎలివేషన్ దుమ్ముదులిపేసేలా ఉండడంతో.. జైలర్ సెన్సేషన్‌గా నిలిచింది.
చదవండిం: Fake Thumbsపై కార్తీకేయ సీరియస్, తప్పుడు ప్రచారం చేయొద్దని ట్వీట్
రజనీకాంత్‌కు మోహన్‌లాల్, శివరాజ్‌కుమార్ లాంటి స్టార్స్ కూడా యాడ్ అవడంతో జైలర్ అదిరిపోయింది. నాలుగు రోజుల్లో 300 కోట్లు కొల్లగొట్టింది. సినిమా రిలీజ్‌కు ముందు రోజే రజనీకాంత్ హిమాలయాలకు వెళ్లిపోయాడనే విషయం తెలిసిందే. తాజాగా బద్రీనాథ్‌ ఆలయాన్ని సందర్శించాడు. స్వామి దయానంద గురూజీ ఆశ్రమంలో రజనీకాంత్ మాట్లాడుతున్న వీడియో ఒకటి ఇప్పుడు సోషల్ మీడియాలో వైరల్ అవుతోంది. ఇందులో రజనీ జైలర్ రిజల్ట్ పై స్పందించాడు.
‘సినిమా షూటింగ్ సమయంలో చాలా ఒత్తిడి ఉండేది. ఒకానొక సందర్భంలో ఈ సినిమా హిట్ అవుతుందా అనే అనుమానం కూడా వచ్చింది. అప్పుడు స్వామిజీ ఒక మాట చెప్పారు. కంగారు పడకు.. సినిమా చాలా పెద్ద హిట్ అవుతుందన్నారు. ఆయనే స్వయంగా చెప్పిన తర్వాత ఇక జైలర్ రిజల్ట్ గురించి ఆలోచించడం ఎందుకు అనుకున్నా.. అనుకున్నట్టే జైలర్ భారీ విజయాన్ని అందుకుంది’ అని చెప్పుకొచ్చాడు. ప్రస్తుతం రజనీ వ్యాఖ్యలు తెగ వైరల్ అవుతున్నాయి.
