బాలీవుడ్(Bollywood) స్టార్ హీరో, దివంగత నటుడు ఇర్ఫాన్ ఖాన్ (Irrfan Khan) నటించిన చివరి చిత్రం ది సాంగ్ ఆఫ్ స్కార్పియన్స్ (The Song of Scorpions). ఇర్ఫాన్ ఖాన్ విలక్షణ పాత్రలు చేసి ఎన్నో అవార్డులు సొంతం చేసుకున్నారు. 2020లో ఇర్ఫాన్ ఖాన్ తుది శ్వాస విడిచారు. సినీ ఇండస్ట్రీకి దూరమైనా ఆయన చేసిన పాత్రలు ఇంకా ప్రేక్షకుల మదిలో అలానే నిలిచి ఉన్నాయి. ఇర్ఫాన్ ఖాన్ తెలుగులో కూడా విలన్‌గా నటించారు. డైరెక్టర్ గుణశేఖర్ దర్శకత్వంలో వచ్చిన మహేష్ బాబు సినిమా ‘సైనికుడు’లో ఇర్ఫాన్ ఖాన్ విలన్‌గా నటించారు.
ఇర్ఫాన్ ఖాన్ నటించిన చివరి మూవీ ట్రైలర్:
తాజాగా ఇర్ఫాన్ ఖాన్(Irrfan Khan) నటించిన చివరి చిత్రం ది సాంగ్ ఆఫ్ స్కార్పియన్స్(The Song of Scorpions) విడుదలకు సిద్ధమవుతోంది. ఈ మూవీకి అనూప్ సింగ్ దర్శకత్వం వహించాడు. సినిమాలో గోల్ షిఫ్తే ఫరహాని, వహీదా రెహ్మాన్, శశాంక్ అరోరా వంటివారు నటించారు. ఈ మూవీని 2017లో 70వ లోకార్నో ఫిలిం ఫెస్టివల్‌లో ప్రదర్శించారు. ఏప్రిల్ 28వ తేదిన ఈ మూవీ థియేటర్లలో విడుదల కానుంది. బుధవారం ఈ సినిమాకు సంబంధించిన ట్రైలర్‌ను చిత్ర యూనిట్ రిలీజ్ చేసింది.
చదవండి: Kangana Ranaut : హృతిక్‌పై షాకింగ్ కామెంట్స్ చేసిన కంగనా
ది సాంగ్ ఆఫ్ స్కార్పియన్స్(The Song of Scorpions) సినిమా కథ విభిన్నంగా ఉంటుంది. ఇదొక రాజస్థాన్ ఎడారి బ్యాక్ డ్రాప్ లో జరిగే కథ. జైసల్మేర్‌లో తేలు కుట్టడం వల్ల అక్కడి ప్రజలు మరణిస్తూ ఉంటారు. ఆ టైంలో తేలు కాటుకు విరుగుడును ఓ గిరిజన మహిళ కనుగొంటుంది. ఆ సమయంలో ఆమె స్కార్పియన్ సాంగ్ ను పాడుతుంది. అయితే కొన్ని కారణాల వల్ల ఆ గిరిజన మహిళను గ్రామం నుంచి వెలివేస్తారు. ఆ తర్వాత ఇర్ఫాన్ ఖాన్(Irrfan Khan)ను పెళ్లి చేసుకుని ఆమె తనకు ఎదురైన సమస్యలను ఎదుర్కోవడమే ఈ సినిమా కథాంశం. ఏప్రిల్ 28వ తేదిన ఈ మూవీ విడుదల కానుంది.
