తిరుపతిలోని శ్రీ వెంకటేశ్వర యూనివర్సిటీ స్టేడియంలో జరగనున్న ఆదిపురుష్ ప్రీ రిలీజ్ ఈవెంట్‌కు భారీగా ఏర్పాట్లు చేస్తున్నారు. ఆధ్యాత్మికత ఉట్టిపడేలా ఈ ఈవెంట్ నిర్వహిస్తున్నారు. వందల మంది సింగర్లు.. వందల మంది డ్యాన్సర్లు లైవ్ పర్ఫార్మెన్స్ ఇవ్వనున్నారు. ఇక భై లక్షలతో ‘జై శ్రీరామ్’ సౌండ్ వచ్చేలా ప్రత్యేకంగా తయారు చేసిన బాణాసంచా ఏర్పాటు చేయిస్తున్నారు. ఈ ఈవెంట్ మొత్తానికి రెండు కోట్ల వరకు ఖర్చు చేస్తున్నారు మేకర్స్. ఇలా ఆదిపురుష్ ఈవెంట్‌కు ఇలా ఎన్నెన్నో ప్రత్యేకతలు ఉన్నాయి. భారతదేశంలోనే అతిపెద్ద ప్రీ రిలీజ్ ఈవెంట్‌గా ఆదిపురుష్ ఈవెంట్ జరుగుతోంది.
చదవండి: Pawan Kalyan: ఆగిపోనున్న పవన్ సినిమాలు..షాక్‌లో దర్శక నిర్మాతలు
ప్రభాస్ అభిమానులతో పాటు మూవీ లవర్స్ అంతా ఈ ఈవెంట్‌కు భారీగా తరలిరానున్నారు. దాంతో భద్రత విషయంలో పోలీస్ డిపార్ట్ గట్టి బందోబస్తు చేస్తోంది. ఆదిపురుష్ వేడుక ఏర్పాట్లను ఎస్పీ పరమేశ్వర్‌రెడ్డి ప్రత్యేకంగా పర్యవేక్షిస్తున్నారు. వెయ్యిమంది పోలీసులతో ఆదిపురుష్‌కు భద్రత కల్పిస్తున్నారు. ఈ వేడుకకు సినీ, రాజకీయ ప్రముఖులతో పాటు.. సుమారు 2నుంచి 3లక్షల మంది వరకు అభిమానులు వచ్చే అవకాశం ఉన్నట్లు తెలిపారు. అలాగే తిరుపతిలో ట్రాఫిక్ మళ్లింపులు చేపడుతున్నట్లు పేర్కొన్నారు. దీంతో ఆదిపురుష్ ఈవెంట్ ఏ రేంజ్‌లో జరుగనుందో ఊహించుకోవచ్చు.
చదవండి: Turkey:లో సమంత బిజీ బిజీ.. ఏం చేస్తోందో తెలుసా?
ఇక దాదాపు 500 కోట్ల బ‌డ్జెట్‌తో దర్శకుడు ఓం రౌత్ తెర‌కెక్కించిన ఈ సినిమాలో ప్రభాస్ శ్రీరాముడిగా నటిస్తుండగా.. సీతగా కృతి సనన్ నటిస్తోంది. బాలీవుడ్ స్టార్ హీరో సైఫ్ అలీఖాన్ రావణుడిగా నటిస్తున్నాడు. జూన్ 16న ఈ సినిమాను భారీ ఎత్తున థియేటర్లో రిలీజ్ చేసేందుకు సన్నాహాలు చేస్తున్నారు. మరి రిలీజ్‌కు ముందే ఇంత సెన్సేషన్ క్రియేట్ చేస్తున్న ఆదిపురుష్.. రిలీజ్ అయ్యాక ఎలాంటి వండర్స్ క్రియేట్ చేస్తుందో చూడాలి.
