సరిలేరు నీకెవ్వరు నుంచి ఊరమాస్ సాంగ్స్, స్టెప్పులతో ఇరగదీస్తున్న మహేష్.. సినిమాలో ఒక్క మాస్ సాంగ్ పడ్డ చాలు.. థియేటర్ల టాపులు లేచిపోతున్నాయ్. మైండ్ బ్లాంక్, మ.. మ.. మహేషా వంటి మాస్ పాటలకు మహేష్ ఫ్యాన్స్‌కు ఫుల్ కిక్ ఇచ్చాయి. ఇక ఇప్పుడు అంతకుమించి అనేలా అదిరిపోయే మాస్ ఐటెంతో రచ్చ చేయడానికి వస్తున్నాడు మహేష్ బాబు. మామూలుగానే శ్రీలీల డ్యాన్స్ చూస్తే.. స్క్రీన్స్ తగలబెట్టేసేలా ఉంటుంది. అలాంటిది సూపర్ స్టార్‌తో కలిసి మాస్ డ్యాన్స్ అంటే.. ఎలా ఉంటుందో ప్రోమోతోనే శాంపిల్ చూపించేశారు.
చదవండి: అఫీషియల్.. ‘ప్రభాస్-మారుతి’ ఫస్ట్ లుక్ అండ్ టైటిల్ డేట్ ఫిక్స్!
తాజాగా గుంటూరు కారం నుంచి ఆ కుర్చీని మడతబెట్టి.. అంటూ సాగే సాంగ్ ప్రోమోని రిలీజ్ చేశారు. ఈ ప్రోమో చూస్తుంటే.. సీట్లో కూర్చునేలా లేరు ఘట్టమనేని ఫ్యాన్స్. మహేష్, శ్రీలీల వేసిన స్టెప్పులకు పూనకాలు తెప్పించేలా ఉన్నాయి. తమన్ ఇచ్చిన మాస్ బీట్ మామూలుగా ఉండదు.. అనేలా ఉంది ఈ ప్రోమో. కానీ ఇది మహేష్ బాబు రేంజ్ సాంగ్ కాదనే చెప్పాలి. అసలు మహేష్ రేంజ్ ఏంది.. ఇలాంటి డైలాగ్‌తో సాంగ్ ఏంటీ? అనేదే అంతుపట్టకుండా పోయింది.
చదవండి: Ram Gopal Varma: ఆర్జీవీపై కేసుపెట్టిన బర్రెలక్క.. ఎందుకంటే?
సోషల్ మీడియాలో ట్రెండింగ్‌లో ఉండే డైలాగ్స్‌తో డీజె సాంగ్స్.. లేదంటే కొన్ని చిన్న చితకా సినిమాల్లో పాటలు వస్తుంటాయి. కానీ ఆ కుర్చీని మడతబెట్టి డైలాగ్‌తో.. మహేష్ బాబు లాంటి స్టార్ హీరో నుంచి ఇలాంటి సాంగ్ బయటికి రానుండడంతో మహేష్ ఫ్యాన్స్ కాస్త షాక్ అవుతున్నారు. రీసెంట్‌గా ఓ మై బేబి సాంగ్‌కే తమన్ దారుణమైన ట్రోలింగ్ ఫేజ్ చేయాల్సి వచ్చింది. అలాంటిది.. ట్రోలింగ్ డైలాగ్‌తో సాంగ్ అంటే.. సాంగ్ తేడా కొడితే మహేష్ ఫ్యాన్స్‌ను తట్టుకోవడం కష్టమే. డిసెంబర్ 30న ఈ ఫుల్ సాంగ్ రిలీజ్ కానుంది. ఈ పాటకి రామజోగయ్య శాస్త్రి లిరిక్స్ అందించారు. ఇప్పటి వరకు గుంటూరు కారం నుంచి రిలీజ్ అయిన సాంగ్స్ కంటే.. ఈ సాంగ్ బెటర్‌గా ఉంటుందేమో చూడాలి.
