»Guntur Kaaram Heart Touching Song From Guntur Kaaram
Guntur Kaaram: ‘గుంటూరు కారం’ నుంచి హార్ట్ టచింగ్ సాంగ్!
గుంటూరు కారం సినిమా పాటల విషయంలో అప్పుడు ట్రోలింగ్ చేసిన వారే ఇప్పుడు తమన్, త్రివిక్రమ్‌ను ఆహా, ఓహో అంటున్నారు. తాజాగా గుంటూరు కారం నుంచి అమ్మ సాంగ్‌ను రిలీజ్ చేయగా అదిరిపోయే రెస్పాన్స్ వస్తోంది.
Guntur Kaaram: గుంటూరు కారం సినిమా నుంచి వచ్చిన పాటల్లో ఓ మై బేబీ, కుర్చీ మడతపెట్టి సాంగ్స్ విషయంలో తమన్‌ను ఓ రేంజ్‌లో ట్రోల్ చేశారు. త్రివిక్రమ్‌ను కూడా తిట్టిపోశారు. కానీ సినిమాలో కాకుండా ఇప్పుడు బయటికొచ్చిన సాంగ్ చూసి.. గుండెల్ని పిండేశారు అంటూ ఎమోషనల్ అవుతున్నారు మహేష్ ఫ్యాన్స్. మదర్ సెంటిమెంట్‌తో తెరకెక్కిన గుంటూరు కారం సినిమా నుంచి.. లేటెస్ట్‌గా అమ్మ సాంగ్ లిరికల్ వీడియో రిలీజ్ చేశారు. సినిమాలో ఉన్న సాంగ్స్ అన్నీ ఒక ఎత్తైతే.. ఈ సాంగ్ ఒక ఎత్తు అనేలా ఎమోషనల్‌గా కంపోజ్ చేశాడు తమన్.
‘ప‌సి వాడై వేచి చూస్తుందా బదులే రాని గతం.. ప‌గ వాడ‌యై నింద మోస్తుందా ఎదుటే ఉన్న నిజం..’ అంటూ సాగిన ఈ పాట హృదయాలను హత్తుకునేలా ఉంది. ఈ సినిమాలో మహేష్ బాబు మదర్‌గా రమ్యకృష్ణ నటించింది. ఈ హార్ట్ టచింగ్ సాంగ్‌కు ‘సరస్వతీ పుత్ర’ రామజోగయ్య శాస్త్రి సాహిత్యం అందించ‌గా.. విశాల్ మిశ్రా పాడాడు. దీంతో త్రివిక్రమ్, తమన్‌ను సూపర్ అంటూ.. సోషల్ మీడియా టాప్‌లో ట్రెండ్ చేస్తున్నారు మహేష్ ఫ్యాన్స్. మరోసారి గుంటూరు కారం ట్యాగ్స్ ట్రెండ్ అవుతున్నాయి.
ఇక సంక్రాంతికి రిలీజ్ అయిన గుంటూరు కారం డే వన్ నుంచి డివైట్ టాక్ సొంతం చేసుకుంది. కానీ వసూళ్ల విషయంలో మహేష్ బాబు రీజనల్ కింగ్ అని మరోసారి ప్రూవ్ చేసింది. మిక్స్ట్ టాక్‌తో 200 కోట్లకు పైగా గ్రాస్ వసూళ్లను రాబట్టి సెన్సేషన్ క్రియేట్ చేసింది. కానీ బ్రేక్ ఈవెన్ మార్క్‌ టచ్ చేయలేకపోయింది.
