guntur kaaram movie item song heroine dimple hayathi
వీలైనంత త్వరగా ‘గుంటూరు కారం’ షూటింగ్ కంప్లీట్ చేసి..న్యూ ఇయర్ వెకేషన్‌కు వెళ్లడానికి ప్లాన్ చేస్తున్నాడు సూపర్ స్టార్ మహేష్ బాబు. తిరిగొచ్చిన తర్వాత గుంటూరు కారం ప్రమోషన్స్ చేయనున్నాడు. జనవరి 6న గుంటూరు కారం ప్రీ రిలీజ్ ఈవెంట్ ప్లాన్ చేస్తున్నట్టుగా తెలుస్తోంది. ఇప్పటికే గుంటూరు కారం నుంచి మాస్ స్ట్రైక్ బయటికి రాగా అదిరిపోయే రెస్పాన్స్ వచ్చింది. అలాగే దమ్ మసాలా బిర్యానీ సాంగ్ కూడా మాసివ్ రెస్పాన్స్ సొంతం చేసుకుంది. రీసెంట్‌గా రిలీజ్ చేసిన సెకండ్ సాంగ్ ‘ఓ మై బేబీ’ కూడా పర్వాలేదనిపించింది. ఈ పాటను మహేష్ బాబు, శ్రీలీల పై కంపోజ్ చేశారు.
ఈ సినిమాలో శ్రీలీలతో పాటు మరో యంగ్ బ్యూటీ మీనాక్షి చౌదరి కూడా నటిస్తోంది. ఇక ఇప్పుడు మరో హాట్ బ్యూటీ కూడా ఈ ప్రాజెక్ట్‌లో జాయిన్ అయినట్టుగా తెలుస్తోంది. గుంటూరు కారంలో అదిరిపోయే ఐటెం సాంగ్ ప్లాన్ చేస్తున్నాడట త్రివిక్రమ్. ఇప్పటికే తమన్ సూపర్ ట్యూన్ రెడీ చేశాడట. లేటెస్ట్ అప్డేట్ ప్రకారం.. ఈ పాటలో చాలామందిని అనుకోని చివరికి హాట్ బ్యూటీ డింపుల్ హయతిని ఫైనల్ చేసినట్టుగా తెలుస్తోంది. గతంలో గద్దలకొండ గణేష్ సినిమాలో ‘సూపర్ హిట్ నీ హైట్’ అనే ఐటంసాంగ్ ఐటెం భామ టాలీవుడ్‌కి పరిచయమైంది ఈ తెలుగు బ్యూటీ. ఆ తర్వాత హీరోయిన్‌గా ఛాన్స్ పట్టేసింది కానీ ఆఫర్లు అనుకున్నంత స్థాయిలో అందుకోలేకపోయింది.
కానీ ఇప్పుడు ఏకంగా మహేష్ బాబుతో స్టెప్పులేసే ఛాన్స్ అందుకున్నట్టుగా తెలుస్తోంది. త్వరలోనే దీనిపై క్లారిటీ రానుంది. ఇక సంక్రాంతి కానుకగా జనవరి 12 గుంటూరు కారం రిలీజ్ కానుంది. గుంటూరు మిర్చి యాడ్ బ్యాక్ డ్రాప్‌లో ఈ సినిమా తెరకెక్కుతోంది. అతడు, ఖలేజా తర్వాత మహేష్ బాబు బాడీ లాంగ్వేజ్‌కి సరిపడే సరికొత్త సబ్జెక్ట్‌తో త్రివిక్రమ్ ఈ సినిమాను ఆడియెన్స్ ముందుకు తీసుకురాబోతున్నాడు. హారిక & హాసిని క్రియేషన్స్ బ్యానర్ వారు భారీ ఎత్తున ఈ సినిమాను నిర్మిస్తున్నారు. మరి గుంటూరు కారం ఏ రేంజ్ హిట్ అవుతుందో చూడాలి.
ఇది కూడా చూడండి: Salaar: 2వ రోజు బాక్స్ ఆఫీస్ కలెక్షన్
