ఆర్ఆర్ఆర్, కేజీయఫ్, కాంతార రేంజ్‌లో దసరా ఉంటుందని చెప్పి మరీ.. పాన్ ఇండియా హిట్ కొట్టాడు న్యాచురల్ స్టార్ నాని. ప్రస్తుతం పాన్ ఇండియా బాక్సాఫీస్ దగ్గర ధరణిగాడి హవా నడుస్తోంది. డెబ్యూ డైరెక్టరే అయినా కూడా.. శ్రీకాంత్‌ ఓదెల దసరాను ‘రా’ ఎమోషనల్‌ మూవీగా జనాలకు కనెక్ట్ చేయడంలో సక్సెస్ అయ్యాడు. పక్కింటి కుర్రాడిలా ఉండే నానిని.. ధరణిగా రగ్గ్‌డ్ లుక్‌లో చూపించి షాక్ ఇచ్చి.. సూపర్ హిట్ కొట్టేశాడు. మార్చి 30న గ్రాండ్‌గా థియేటర్లొకి వచ్చిన దసరా మూవీ హిట్ టాక్‌తో దూసుకుపోతోంది. న్యాచురల్ స్టార్‌ని రా అండ్ రస్టిక్‌ లుక్‌లో చూసి ఫిదా అవుతున్నారు అభిమానులు. ఇక వెన్నెలగా కీర్తి సురేష్ పెళ్లి కూతురు గెటప్‌లో చేసిన తీన్మార్ డ్యాన్స్‌కు సోషల్ మీడియా షేక్ అవుతోంది. అందుకే దసరా పై వసూళ్ల వర్షం కురుస్తోంది. నాని కెరీర్లోనే బిగ్గెస్ట్ హిట్‌గా నిలిచి.. పాన్ ఇండియా హీరోని చేసేసింది దసరా. కాకపోతే రికార్డులు, బాక్సాఫీస్ లెక్క ఎంత అనేది.. ఇంకా ఫైనల్ రన్‌లో తేలాల్సి ఉంది. డే వన్ 38 కోట్ల గ్రాస్ అందుకున్న దసరా.. సెకండ్‌ డేనే 50 క్రోర్ గ్రాస్ వసూళ్లు చేసి హాఫ్ సెంచరీ కొట్టేసింది. మొత్తంగా ఐదు రోజుల్లో 92 కోట్లు రాబట్టి.. ఫస్ట్ వీకెండ్ కంప్లీట్ అయ్యే లోపు 100 కోట్ల దిశగా పరుగులు తీస్తోంది. అందుకే ఈరోజు సాంయంత్రం 6 గంటల నుంచి కరీంనగర్‌లో బ్లాక్ బస్టర్ దావత్ చేసుకుంటున్నాడు నాని. ఈ సినిమాతో నాని మార్కెట్ అండ్ ఫాలోయింగ్ భారీగా పెరిగిపోయింది. ఖచ్చితంగా ఇక పై నానికి పాన్ ఇండియా స్టార్‌డమ్ మరింత వెయిట్ పెంచినట్టే. అప్ కమింగ్ సినిమాలకు భారీ ఆఫర్స్ రావడం పక్కా. ఏదేమైనా.. నాని వంద కోట్ల హీరోగా రికార్డ్ క్రియేట్ చేశాడు.
