Bumper offer on the occasion of PVR Dussehra festival.. 10 movies for Rs. 700..
PVR Offer: సినిమా ప్రియులకు పీవీఆర్(PVR) సినిమాస్ దసరా పండుగ కానుకగా ఓ అద్భుతమైన ఆఫర్‌ను ప్రకటించింది. సాధారణంగా మల్టీప్లెక్స్‌లో ఓ కుటుంబం సినిమా చూడాలంటే భారీ ఖర్చుతో కూడుకుంటుంది. అందుకని చాలా మంది థియేటర్లకు రావడమే పెద్ద భారంగా భావిస్తున్నారు. దానికి తోడు ఓటీటీ(OTT)లు అందుబాటులో ఉన్నాయి. ఇక వీకెండ్స్ టైమ్‌లో అందులో మూవీస్ పెట్టుకుని చూస్తున్నారు. ఇక మూవీ లవర్స్ కూడా అంతంత పెట్టి సినిమాలు చూడలంటే ఆలోచిస్తున్నారు. అందుకోసమే పీపీఆర్ సంస్థ ఒక ఆసక్తికరమైన ఆఫర్‌ను తీసుకొచ్చింది. ప్రేక్షకులను థియేటర్‌కు రప్పించేందుకు కేవలం రూ.700కే పది సినిమాలు చూసే అవకాశం కల్పిస్తోంది. ఈ మేరకు పీవీఆర్ సినిమాస్ ప్రకటన వెలువరించింది. ఈ ఆఫర్ అక్టోబర్ 16 నుంచి ప్రారంభం కానుంది.
చదవండి:Mrunal Thakur: ఆ హీరోతో ప్రేమలో పడిపోయా!
పీవీఆర్ సబ్‌స్క్రిప్షన్ సర్వీస్ ద్వారా 30 రోజులకు రూ.700 చెల్లించి ఏదైనా పీవీఆర్ థియేటర్‌లో 10 సినిమాలను చూడవచ్చు. అయితే ఈ ఆఫర్ సోమవారం నుంచి శుక్రవారం మాత్రమే వర్తిస్తుంది. పీవీఆర్ ఐనాక్స్ దీన్ని మంత్లీ మూవీ పాస్(Monthly Movie Pass) గా పేర్కొంది. ఇకపై బస్ పాస్, మెట్రో పాస్‌తో పాటు మూవీ పాస్ కూడా చేరింది.
చదవండి:Thalapathy Vijay ఫ్యాన్స్‌కు బ్యాడ్ న్యూస్..స్పెషల్ షోలు లేవని ప్రకటన
