Actress Trisha Warning!
Trisha: హీరోయిన్‌గా ఎంట్రీ ఇచ్చి రెండు దశాబ్దాలు దాటినా.. నాలుగు పదుల వయసుకు చేరవుతున్న త్రిష అందం ఏ మాత్రం చెక్కుచెదరలేదు.. రోజు రోజుకి మరింత అందంగా కనిపిస్తోంది. త్రిష ముందు ఏ కుర్ర హీరోయిన్ కూడా పనికి రాదనే రేంజ్‌లో ఉంది. ఈ మధ్య మణిరత్నం ఎంతో ప్రతిష్టాత్మకంగా తెరకెక్కించిన పొన్నియన్ సెల్వన్‌ సినిమాలతో త్రిషకు భారీ క్రేజ్ వచ్చింది. ఈ సినిమాలో తన గ్లామర్‌తో ఐశ్వర్య రాయ్‌ని సైతం డామినేట్ చేసేలా కనిపించింది. అందుకే అమ్మడికి ఆఫర్లు క్యూ కడుతున్నాయి.
చదవండి: Manchu Vishnu.. ఆ హీరోయిన్‌ను తప్పించాడా? తప్పుకుందా?
ప్రస్తుతం త్రిష కోలీవుడ్ స్టార్ హీరో విజయ్ నటిస్తున్న ‘లియో’ సినిమాలో హీరోయిన్‌గా నటిస్తోంది. ఇంకొన్ని తమిళ్, మళయాళ ప్రాజెక్ట్స్ చేస్తోంది. త్వరలో టాలీవుడ్ ఎంట్రీ కూడా ఉంటుందని తెలుస్తోంది. ఇలా ఓ పక్క త్రిష కెరీర్‌ పీక్స్‌లో ఉండగా మరో వైపు పెళ్లి వార్తలు వైరల్ అవుతున్నాయి. గతంలో ఓ వ్యాపారవేత్తతో త్రిష ఎంగేజ్‌మెంట్‌ అయింది.. ఆ తరువాత క్యాన్సిల్ అయింది. ఎందుకో ఏమో తెలియదు కానీ.. పెళ్లి వరకు వెళ్లిన త్రిష మళ్లీ పెళ్లి ఊసెత్తలేదు. కానీ ఇన్నాళ్లకు త్రిష పెళ్లి వార్తలు తమిళ వర్గాల్లో హాట్ టాపిక్‌గా మారింది.
త్రిష ఓ మలయాళ నిర్మాతను పెళ్లి చేసుకోబోతోందనే న్యూస్ వైరల్‌గా మారింది. గతంలో అతని నిర్మాణంలో వచ్చిన సినిమాల్లో త్రిష నటించిందని, ఆ సమయంలోనే ఇద్దరి మధ్య ప్రేమ పుట్టిందని టాక్ నడుస్తోంది. అంతేకాదు.. ఈ ఏడాదే పెళ్లి అని కూడా ప్రచారం జరుగుతోంది. దీంతో ఇండైరెక్ట్‌గా వార్నింగ్ ఇచ్చింది త్రిష. తన ఇన్‌స్టా స్టోరీలో.. ‘ డియర్, మీరు మరియు మీ బృందం ఎవరో మాకు తెలుసు, ప్రశాంతంగా ఉండండి.. అలాగే పుకార్లు ఆపండి.. అని అంటూనే చీర్స్’ అని పేర్కొంది. దీంతో తనపై వస్తున్న పుకార్లను ఆపండని.. త్రిష వార్నింగ్ ఇచ్చిందని త్రిష అభిమానులు కామెంట్ చేస్తున్నారు.
