vignesh Shivan : సోషల్‌ మీడియాలో ఎప్పుడూ యాక్టివ్‌గా ఉంటారు నయనతార, విఘ్నేష్‌ శివన్‌ దంపతులు. రకరకాల ఫోటోలను, వీడియోలను ఎప్పటికప్పుడు అభిమానులతో పంచుకుంటూ ఉంటారు. ఈ క్రమంలో వారి పిల్లల ఫోటోలను ఇన్‌స్టాగ్రాంలో పోస్ట్‌ చేశారు. బాహుబలిలో( Bahubali) నదిలో శివగామి బాలుడిని పైకెత్తి పట్టుకున్న సీన్‌ మనందరికీ గుర్తే. సేమ్‌ అదే సీన్‌ని వీరు తమ పిల్లలతో రీ క్రియేట్‌ చేశారు. ఇద్దరి పిల్లలను విఘ్నేష్‌ ఆ విధంగా పట్టుకుని ఫోటోలు తీసుకున్నారు. వాటిని ఇన్‌స్టాగ్రాంలో పోస్ట్‌ చేశారు.
చదవండి : థాయ్‌లాండ్‌లో ‘దేవర’ రొమాన్స్.. ఫ్యామిలీతో ఎన్టీఆర్, సోలోగా జాన్వీ!
ఈ ఫోటోలను పోస్ట్‌చేస్తూ ‘మై డియర్‌ బాహుబలి 1, 2.. మీ ఇద్దరి వల్లే నా జీవితం మరింత అందంగా మారిపోయింది. లవ్‌యూ’ అంటూ విఘ్నేష్‌ శివన్‌(Vignesh Shivan) క్యాప్షన్‌ని రాశారు. దీంతో ఈ ఫోటోలను చూసి నెటిజన్లు ఫిదా అయిపోతున్నారు. ముద్దుగా, బొద్దుగా ఉన్న ఉయిర్‌, ఉలగమ్‌లను చూసి తెగ కామెంట్లు చేసేస్తున్నారు. వీరిలో ఒకరు అమరేంద్ర బాహుబలి అని, మరొకరు మహేంద్ర బాహుబలి అంటూ సరదా సరదా కామెంట్లను లిఖించేస్తున్నారు.
చదవండి : పరికిణిలో అందాల ఒలకబోత
సుమారు ఏడేళ్లపాటు విఘ్నేష్‌, నయనతారలు ప్రేమలో ఉన్నారు. తర్వాత వారు పెద్దలను ఒప్పించి 2022లో పెళ్లి చేసుకున్నారు. సరోగసీ విధానం ద్వారా గతేడాది ఉయిర్‌, ఉలగమ్‌లకు(Uyir and Ulagam) తల్లిదండ్రులయ్యారు. ఈ మధ్యనే వారి రెండో పెళ్లి రోజును విదేశాల్లో జరుపుకుని వచ్చారు. ఇప్పుడిలా బుజ్జి బాహుబలులతో ఫోటోలను షేర్‌ చేశారు. దీంతో ఈ ఫోటోలు ఇప్పుడు నెట్‌లో వైరల్‌గా మారాయి.
