vijay : హీరో విజయ్‌ మంచి గాయకుడన్న సంగతి అందరికీ తెలిసిందే. తాజాగా ఆయన తన గొంతును మరోసారి సవరించుకోనున్నారు. ఈ విషయాన్ని స్వయంగా సంగీత దర్శకుడు యువన్‌ శంకర్‌ రాజా(Yuvan Shankar Raja) వెల్లడించారు. ఆయన సంగీత దర్శకత్వం వహిస్తున్న ‘ది గ్రేటెస్ట్‌ ఆఫ్‌ ఆల్‌ టైం’ చిత్రం కోసం ఆయన పాట పాడుతున్నారని తెలిపారు. ఓ కార్యక్రమంలో పాల్గొన్న యువన్‌ ఈ విషయాన్ని వెల్లడించారు. దీంతో విజయ్‌(Vijay) అభిమానులు ఖుషీ అయిపోతున్నారు.
చదవండి : ఆస్కార్ వేదికగా అబాసుపాలైన ట్రంప్‌!
విజయ్‌ ఇప్పటి వరకు ఇళయరాజా, ఏఆర్‌ రెహ్మాన్‌, హరీష్‌ జయరాజ్‌, అనిరుధ్‌ వంటి ప్రముఖ సంగీత దర్శకుల మ్యూజిక్‌ డైరెక్షన్‌లో పాటలు పాడారు. ఇప్పుడు తాజాగా యువన్‌ శంకర్‌ రాజా దర్శకత్వం లోనూ పాడుతున్నారు. ఈ సినిమాలో విజయ్‌ తండ్రి, కొడుకుగా తానే ద్విపాత్రాభినయం చేస్తున్నారట.
చదవండి : ఆస్కార్ అవార్డుల విజేతులు వీళ్లే!
విజయ్‌ ఇక సినిమాలకు గుడ్‌ బై చెప్పి రాజకీయ రంగ ప్రవేశం చేస్తారని వార్తలు వస్తున్నాయి. ఈ విషయం అభిమానులను ఎంతో బాధిస్తోందనే చెప్పాలి. దీంతో ఇప్పటికే ఒప్పుకున్న సినిమాలను ఆయన పూర్తి చేసే పనిలో ఉన్నారు. ది గ్రేటెస్ట్‌ ఆఫ్‌ ఆల్‌ టైం సినిమాని జేజీఎస్‌ ఎంటర్‌టైన్‌మెంట్‌ సంస్థ నిర్మిస్తోంది. వెంకట్‌ ప్రభు దర్శకత్వం వహిస్తున్నారు.
