A shock to Mega's nephew.. Has Ganja Shankar's movie been stopped?
Ganja Shankar: యాక్సిడెంట్ నుంచి కోలుకున్న తర్వాత కార్తీక్ దండు దర్శకత్వంలో సాయి ధరమ్ తేజ్ చేసిన ‘విరూపాక్ష’ సినిమా సాలిడ్ హిట్‌గా నిలిచింది. ఈ సినిమాతో వంద కోట్ల క్లబ్‌లో చేరాడు మెగా మేనల్లుడు. ఆ తర్వాత పవర్ స్టార్‌తో కలిసి ‘బ్రో’ సినిమాతో అలరించాడు. అయితే ఈ సినిమా తర్వాత ఆరు నెలల పాటు షూటింగ్స్‌కి బ్రేక్ ఇస్తానని చెప్పాడు సాయి ధరమ్ తేజ్. యాక్సిడెంట్ తర్వాత పూర్తిగా కోలుకున్నప్పటికీ.. ఇంకా ఫిట్‌గా కనిపించడం లేదు తేజ్. విరూపాక్ష సినిమాతో పాటు.. బ్రో సినిమాలో రిలీజ్ అయిన పాటల్లో కాస్త కష్టంగా స్టెప్పులు వేసినట్టుగా కనిపించాడు సాయి. అందుకే.. నెక్స్ట్ సినిమా కోసం కాస్త గ్యాప్ తీసుకున్నాడు. ప్రస్తుతం మాస్ డైరెక్టర్ సంపత్ నంది దర్శకత్వంలో ఒక సినిమా చేస్తున్నాడు.
చదవండి:Raja Saab: రాజా సాబ్.. ప్రభాస్ ఫ్యాన్స్‌కు పండగే!
ఈ సినిమాకు గాంజా శంకర్ అనే టైటిల్ ఫిక్స్ చేశారు. సితార ఎంటర్ టైన్మెంట్స్, ఫార్చూన్ ఫోర్ సినిమాస్ బ్యానర్స్ పై సూర్యదేవర నాగవంశీ, సాయి సౌజన్య సంయుక్తంగా ఈ చిత్రాన్ని నిర్మిస్తున్నారు. ఇప్పటికే గాంజా శంకర్ నుంచి రిలీజైన పోస్టర్స్ అదిరిపోయాయి. అయితే లేటెస్ట్‌గా ఇండస్ట్రీ వర్గాల ప్రకారం.. ఈ చిత్రం మధ్యలోనే ఆగిపోయిందని వార్తలు వినిపిస్తున్నాయి. దానికి రెండు కారణాలు ఉన్నాయని అంటున్నారు. ముందుగా అనుకున్న బడ్జెట్ కంటే.. మరింత పెరిగినట్టుగా తెలుస్తోంది. దీంతో ఈ సినిమాను ఆపేశారని టాక్ నడుస్తోంది. దీనికి తోడు మెగా మేనల్లుడు సాయి ధరమ్ తేజ్ తన రెమ్యూనిరేషన్ కూడా పెంచాడని అంటున్నారు. ఏకంగా 15 కోట్ల వరకు డిమాండ్ చేస్తున్నాడట. దీంతో గాంజా శంకర్ ఆగిపోయిందనే రూమర్స్ వస్తున్నాయి. అయితే.. ఇలాంటి వార్తల్లో ఎంత వరకు నిజముందో చూడాలి.
చదవండి:Pindam Movie Explained: కడుపులో పిండం దెయ్యం అయితే ఇంత శక్తివంతంగా మారుతుందా..
