Raja Saab..Pandage for Prabhas fans!
Raja Saab: గత ఏడాది చివర్లో సలార్ సినిమాతో సాలిడ్ బౌన్స్ బ్యాక్ అయ్యాడు ప్రభాస్. ప్రస్తుతం ఓటిటిలో దూసుకుపోతోంది సలార్. లేటెస్ట్‌గా ఓటిటిలో సలార్ ఇంగ్లీష్ వెర్షన్ కూడా రిలీజ్ చేశారు. దీంతో సలార్ గ్లోబల్ రేంజ్‌లో దుమ్ములేపుతోంది. ఇక సలార్ తర్వాత ఆరు నెలల గ్యాప్‌లో మే 9న కల్కిగా రాబోతున్నాడు డార్లింగ్. నాగ్ అశ్విన్ డైరెక్ట్ చేసిన ఈ సినిమా పై భారీ అంచనాలున్నాయి. ఇక కల్కి తర్వాత ప్రభాస్ నుంచి మంచి ఎంటర్టైనర్ రాబోతోంది. మారుతి దర్శకత్వంలో ప్రభాస్, రాజా సాబ్ అనే సినిమా చేస్తున్న విషయం తెలిసిందే. వింటేజ్ డార్లింగ్‌ను చూపించి.. రెబల్ స్టార్ ఫ్యాన్స్‌కు కిక్ ఇవ్వడానికి రెడీ అవుతున్నాడు మారుతి. ఇప్పటికే రాజా సాబ్ ఫస్ట్ లుక్‌లో మస్త్ ఉన్నాడు ప్రభాస్. బుజ్జిగాడు, డార్లింగ్ లాంటి ఎంటర్టైనింగ్‌ను రాజాసాబ్‌ నుంచి ఎక్స్ పెక్ట్ చేస్తున్నారు. అందుకుతగ్గట్టే.. ఈ సినిమాలో మంచి డాన్స్ నెంబర్స్ కూడా ఉంటాయట.
చదవండి:Hanuman: హనుమాన్ డైరెక్టర్, నిర్మాత మధ్య గొడవ?
రాజా సాబ్‌లో మొత్తం 4 సాంగ్స్ డిజైన్ చేస్తున్నాడట తమన్. అందులో మూడు సాంగ్స్ హీరోయిన్స్‌తో డ్యూయెట్స్ కాగా.. ఒకటి స్పెషల్ సాంగ్‌గా ఉండబోతోందని తెలుస్తోంది. ఇప్పటికే తమన్ రెండు సాంగ్స్ కంపోజ్ చేసి ఇచ్చేశాడట. ఈ ట్యూన్స్ అన్నీ కూడా డార్లింగ్ ఫ్యాన్స్ చేత డ్యాన్స్ చేసేలా ఉంటుందని.. వాళ్లు పండగ చేసుకునేలా ఉంటాయని అంటున్నారు. ఇక ఈ సినిమాను 2025 సంక్రాంతి రేసులో నిలబెట్టాలని నిర్మాత విశ్వప్రసాద్ ప్లాన్ చేస్తున్నారు. ఇదే విషయాన్ని తాజాగా ఈగల్ ప్రమోషన్స్‌లో చెప్పుకొచ్చారు విశ్వప్రసాద్. ఈ ఏడాది షూటింగ్ పూర్తి చేసి.. వచ్చే సంక్రాంతికి రాజా సాబ్ రిలీజ్‌కు ట్రై చేస్తున్నామని తెలిపారు. దీంతో వచ్చే సంక్రాంతి వార్ మామూలుగా ఉండదనే చెప్పాలి.
చదవండి:Rashmika Mandanna : రష్మిక భారీగా పెంచేసిందా? ఇదే క్లారిటీ
