A hero should be like this.. Hats off Allu Arjun!
Allu Arjun: 2003లో గంగోత్రి సినిమా రిలీజ్ అయింది. మెగా బ్రాండ్‌తో అల్లు ఫ్యామిలీ నుంచి హీరోగా అల్లు అర్జున్ ఇంట్రడ్యూస్ అయ్యాడు. కానీ.. కొందరు బన్నీని చూసి హీరో మెటీరియల్ కాదని కామెంట్స్ చేశారు. కానీ అక్కడుంది మామూలు అల్లు అర్జున్ కాదు.. గాండీవధారి అర్జునుడు. ఏకంగా మెగా ఇమేజ్‌ను సైతం పక్కకు పెట్టే స్థాయికి ఎదిగాడు బన్నీ. తన కష్టానికి ఫలితమే.. ఈ రోజు 69 ఏళ్ల తెలుగు సినీ చరిత్రను తిరగరాసేలా చేసింది. పుష్ప సినిమాతో బెస్ట్ యాక్టర్‌గా నేషనల్ అవార్డు అందుకొని హిస్టరీ క్రియేట్ చేశాడు. దీని కోసం అల్లు అర్జున్ ఎంతో కష్ట పడ్డాడు. చెప్పాలంటే.. అల్లు అర్జున్ చాలా మొండోడు. ఒకసారి ఫిక్స్ అయితే.. ఎంత రిస్క్ అయినా చేస్తాను.. ఎంత దూరమైనా వెళ్తానని.. ఈ 21 ఏళ్లలో చేసి చూపించాడు. రెండో సినిమా ‘ఆర్య’తోనే సాలిడ్ హిట్ అందుకున్న బన్నీ.. అక్కడి నుంచి ఒక్కో మెట్టు ఎక్కుతూ.. స్టైలిష్ స్టార్ నుంచి ఐకాన్ స్టార్‌గా.. పాన్ ఇండియా హీరోగా ఎదిగాడు. అభిమానులే తన బలం, వాళ్లే తన ఆర్మీ అంటూ.. అభిమానులనే ఓ సైన్యంగా చేసుకొని దూసుకుపోతున్నాడు.
చదవండి:Allu Arjun : బర్త్డే బాయ్ బన్నీ ఇంటి దగ్గర ఫ్యాన్స్ హంగామా
ఈరోజు, అంటే ఏప్రిల్ 8న అల్లు అర్జున్ తన 42వ పుట్టిన రోజును జరుపుకుంటున్నాడు. దీంతో.. బన్నీకి అభిమానుల నుంచి శుభాకాంక్షలు వెల్లువెత్తుతున్నాయి. సోషల్ మీడియాలో బన్నీకి సంబంధించిన ట్యాగ్స్ టాప్‌లో ట్రెండ్ అవుతున్నాయి. అసలు.. సోషల్ మీడియా ఫాలోవర్స్ పరంగా చూస్తే సౌత్‌ హీరోల్లో బన్నీదే టాప్ ప్లేస్. ఇక ఈ రోజు రిలీజ్ అయిన పుష్ప టీజర్ చూసిన తర్వాత.. బన్నీ క్రేజ్ నెక్స్ట్ లెవల్‌కి వెళ్తుందని చెప్పడంలో ఎలాంటి డౌట్స్ అక్కర్లేదు. తనో పాన్ ఇండియా హీరో అనే స్టాటస్‌ను సైతం పక్కకు పెట్టి మరీ చీరకట్టి అమ్మవారి వేషంతో బన్నీ చేసిన మాస్ జాతరకు ఫ్యాన్స్ ఫిదా అవుతున్నారు. మిగతా హీరోలైతే.. ఇలాంటి గెటప్‌లో కనిపించడానికి భయపడతారు. కానీ బన్నీ గట్స్‌కు ఎవరైనా హ్యాట్సఫ్ అనాల్సిందే. 21 ఏళ్ల కిందట గంగోత్రి సినిమాలో బన్నీ చీర కట్టినప్పుడు విమర్శలు చేసిన వారితోనే.. ఇప్పుడు జై కొట్టించుకుంటున్నాడు. ఐకాన్ స్టార్ చీర కడితే.. అమ్మోరు పూనినట్టుందని ప్రశంసలు కురిపిస్తున్నారు. హీరో అంటే ఇలా ఉండాలని.. అని బన్నీ ఫ్యాన్స్ అంటున్నారు. ఏదేమైనా హ్యాపీ బర్త్ డే అల్లు అర్జున్.
చదవండి:Dil Raju: ఫ్యామిలీ స్టార్ ఎఫెక్ట్.. అప్ సెట్‌లో దిల్ రాజు..?
